Koloshan 3:13 - Di Jamiekan Nyuu Testiment

¹³ No mata wa apm, unu fi bier wid unu wan aneda, an paadn unu wan aneda no mata wa dem du. Paadn unu wan aneda, jos laik ou di Laad did paadn unu. Put aan aal a we mi a tel unu nou, laik se a kluoz unu a put aan.

Koloshan 3:13 ပူးပေါင်းရင်းမြစ်များ

Matyu 5:44

Bot dis a wa mi a se, lov unu enimi dem an prie fi di piipl dem we chriit unu bad an mek unu sofa.

Matyu 6:12

Paadn wi fi aal a di rang we wi du, siem laik ou wi paadn dem we du wi rang.

Maak 11:25

So enitaim unu tan op fi prie, ef unu av notn gens nobadi unu fi paadn dem. Da wie de unu faada we iina evn wi paadn unu fi aal a di rang unu du.”

Luuk 11:4

Paadn wi fi aal a di rang we wi du, kaa wi paadn piipl we du wi rang tu. An no mek wi fies notn we wi kaaz wi fi sin.’ ”

Luuk 23:34

Jiizas se, “Faada Gad paadn dem, dem no nuo wa dem a du.” Den dem chuo dais fi shier op Jiizas kluoz.

Ruoman 15:7

So den tek unu wan aneda siem laik ou Krais Jiizas did tek unu, so dat piipl wi priez Gad.

2 Korintiyan 2:10

Enibadi we unu paadn, mi paadn dem tu (dat a ef mi av notn fi paadn). Jiizas Krais si an nuo se mi riili paadn dem an mi du it fi elp unu.

2 Korintiyan 6:6

Wi shuo se wi a Gad sorvant wen wi kip wiself kliin. Gad mek wi andastan im mesij an mek wi nuo ou im waahn wi fi liv. Wi shuo se wi a Gad sorvant wen wi kain tu piipl, an tek taim wid dem an no kwik fi get beks ar grombl grombl. Wi mek di Uoli Spirit elp wi fi du wi wok, wi no du it pan wi uon. Wi shuo se wi a Gad sorvant wen wi shuo piipl lov, no mata uu dem bi ar we dem du, wi aalwiez shuo dem lov.

Gyalieshan 6:2

Wen sumadi av prablem, unu fi elp dem. Unu fi elp unu wan aneda. Kaaz wen unu du dat unu a du we Krais Jiizas se unu mos du.

Ifiijan 4:2

Ombl unuself an lorn fi tek taim wid unu wan aneda. No bada rof op nobadi. Insted-a dat, aalwiez shuo lov wen unu a diil wid unu wan aneda. No kwik fi get beks.

Ifiijan 4:32

Unu fi kain an gud tu wan aneda. Unu no fi kip op wan aneda iina unu aat. Siem laik ou Gad paadn unu siek-a wa Jiizas Krais du, a siem so unu fi paadn unu wan aneda tu.

Ifiijan 5:2

Lov unu wan aneda, jos laik ou Krais Jiizas lov unu. Im gi op im laif fi wi laik wan swiit sakrifais we dem bon pan alta gi Gad.

Koloshan 3:12

So laik ou unu a Gad piipl we im pik an we im riili lov, unu aat mos muuv insaida unu fi ada piipl. Unu fi kain tu dem an unu fi ombl. Unu fi jengkl an unu mos tek taim wid piipl.

Jiemz 2:13

kaaz piipl we no paadn nobadi, naa go get no paadn pan jojment die. Ef unu paadn piipl unu wi get frii fram jojment.

1 Piita 2:21

A dis Gad kaal unu fi du yu no. Krais Jiizas imself sofa fi unu, an shuo unu ou fi bier di sofarieshan. Unu fi du laik im; fala iina im fut step dem.