Koloshan 3:12 - Di Jamiekan Nyuu Testiment

¹² So laik ou unu a Gad piipl we im pik an we im riili lov, unu aat mos muuv insaida unu fi ada piipl. Unu fi kain tu dem an unu fi ombl. Unu fi jengkl an unu mos tek taim wid piipl.

Koloshan 3:12 ပူးပေါင်းရင်းမြစ်များ

Matyu 24:22

An ef Gad neehn mek op im main se im a kot dong ou lang da taim de fi laas, nobadi wudn liv. Bot siek-a di piipl dem we im pik, im mek op im main se im a-go kot it dong.

Matyu 24:24

Kaaz piipl a-go kom kom se dem a di wan we Gad sen fi siev piipl, wen notn no go so. An som faalz prafit a-go shuo op tu. Dem piipl de a-go wok aal kain-a mirikl an shuo aal kain-a sain fi chrik op piipl, dong tu aal di piipl dem we Gad pik, di faalz prafit dem wi chrik op tu ef dem get di chaans.

Matyu 24:31

Im wi sen im ienjel dem fi kom bluo di chompit loud loud, an dem gweehn gyada op di piipl dem we im pik fram naat, sout, iis an wes, fram aal uova di worl.

Maak 13:20

An nobadi wuda neva get siev ef di Laad neva shaatn dem die de. Bot siek-a im speshal piipl dem we im pik, im shaatn di die dem.

Maak 13:22

Kaaz piipl a-go kom kom se dem a di wan we Gad sen fi siev piipl, wen notn no go so. An som faalz prafit a-go shuo op tu. Dem piipl de a-go wok aal kain-a mirikl an shuo aal kain-a sain fi chrik op piipl, dong tu aal di piipl dem we Gad pik dem wi chrik op ef dem get di chaans.

Maak 13:27

Den im wi sen im ienjel dem fi gyada op di piipl we im pik fram naat, sout, iis an wes, fram evri kribis an kaana a di ort.

Luuk 1:78

Siek-a ou Gad gud an kain tu wi, di maanin son a-go shain dong pan wi.

Luuk 18:7

So unu no tingk se Gad a-go gi di piipl dem we im pik jostis, iihn, di wan dem we baal tu im die an nait? Unu tingk se im wi kip aan a put dem aaf?

Ruoman 1:7

So mi a rait da leta ya tu aal a unu iina Ruom we Gad lov an uu im kaal fi bi im piipl. Mi prie se wi Faada Gad an di Laad Jiizas Krais wi shuo unu lov iivn duo wi no dizorv it an gi unu piis iina unu aat.

Ruoman 13:14

Insted-a aal a dat, unu fi mek Jiizas Krais ruul uova unu an tap tingk bout di wikid sitn dem we unu badi waahn fi du an ou unu kyan get dem sitn de.

Ruoman 9:11

Bifuo Aizak bwai pikni dem did baan, bifuo eni a dem kuda du notn gud ar bad, Gad pik wan fi ruul uova di ada wan. Gad pik im bifuo im baan fi shuo se a no notn we im did du mek Gad pik im — Gad pik uu im waahn fi pik fi du we im waahn im fi du.

1 Korintiyan 13:4

Wen sumadi av lov iina dem aat, dem kain tu piipl an dem tek taim wid dem. Dem no red yai ar gwaan buosi-buosi. Piipl we av lov iina dem aat no lov fi shuo aaf.

2 Korintiyan 6:6

Wi shuo se wi a Gad sorvant wen wi kip wiself kliin. Gad mek wi andastan im mesij an mek wi nuo ou im waahn wi fi liv. Wi shuo se wi a Gad sorvant wen wi kain tu piipl, an tek taim wid dem an no kwik fi get beks ar grombl grombl. Wi mek di Uoli Spirit elp wi fi du wi wok, wi no du it pan wi uon. Wi shuo se wi a Gad sorvant wen wi shuo piipl lov, no mata uu dem bi ar we dem du, wi aalwiez shuo dem lov.

Gyalieshan 5:6

Kaaz wen yu an Jiizas a wan it no mata ef yu sorkomsaiz ar yu no sorkomsaiz. Di onggl ting wa mata a dat yu chos iina im. An yu shuo se yu chos iina im wen yu shuo lov.

Ifiijan 1:4

Fram wie bak wen, bifuo Gad mek di worl, im pik wi an mek wi an Jiizas wan. Im pik wi, so dat wi kyan liv kliin an no av notn bad iina wi laif fi kip wi we fram im. Siek-a ou im lov wi,

Ifiijan 4:2

Ombl unuself an lorn fi tek taim wid unu wan aneda. No bada rof op nobadi. Insted-a dat, aalwiez shuo lov wen unu a diil wid unu wan aneda. No kwik fi get beks.

Ifiijan 4:24

An unu lorn fi liv laik wan nyuu sumadi we Gad mek aal uova agen. Gad mek unu fi tan jos laik im — fi du wa rait an wa gud an kliin azkaadn tu di chuut.

Ifiijan 4:32

Unu fi kain an gud tu wan aneda. Unu no fi kip op wan aneda iina unu aat. Siem laik ou Gad paadn unu siek-a wa Jiizas Krais du, a siem so unu fi paadn unu wan aneda tu.

Filipiyan 1:8

Gad si an nuo ou mi lang fi si aal a unu. Siek-a di lov we Krais Jiizas gi mi iina mi aat fi unu, mi riili lang fi si unu.

Koloshan 3:10

Unu a nyuu sumadi nou. An Gad a mek unu komiin muo an muo laik im. Da wie de unu kyan riili get fi nuo im — di wan we mek unu, an we mek evriting els.

1 Tesaluoniyan 5:15

Mek shuor se nobadi no chriit sumadi bad kaaz dat de sumadi did chriit dem bad, bot unu fi aalwiez chrai fi diil wid unu wan aneda gud, an diil wid ada piipl gud tu.

2 Timoti 1:9

Gad siev wi an pik wi fi bi im piipl. A no kaaz a notn we wi du mek im du dat. Gad pik wi kaaz im did plan fi gud an kain tu wi. Wie bifuo taim im di plan fi shuo wi lov iivn duo wi no dizorv it an sen Krais Jiizas fi siev wi.

2 Timoti 2:10

An sins di mesij no iina prizn mi wi gwaan sofa fi di piipl dem we Gad pik. So dat Jiizas Krais wi siev dem an so dem kyan liv fi eva wid Gad.

Taitos 1:1

Taitos, dis a Paal, wan sliev fi Gad an wan a Jiizas apasl. Gad sen mi fi tiich im piipl dem ou fi biliiv iina im muor an fi elp dem andastan Gad wod beta. Im waahn mi fi tiich dem di chuut so dat dem wi liv ou im waahn dem fi liv.

1 Piita 1:2

Faada Gad pik unu fi wan riizn, jos laik im did a plan fi du lang bifuo unu baan. An im Spirit kliin op unu aat so unu kyan fala wa Jiizas Krais se. An Jiizas blod mek unu kliin tu. Mi prie se Gad wi aalwiez shuo unu im lov iivn duo wi no dizorv it an gi unu piis iina unu aat.

2 Piita 1:10

So mi breda an sista, Gad kaal unu fi fala im. An im pik unu fi bi fi im piipl dem. So ef unu waahn dis fi laas unu fi chrai iivn aada fi mek shuor se dat apm. Kaaz ef unu du dis, notn kyaahn kot unu aaf fram Gad.

1 Jan 4:19

Wi lov wan aneda kaaz Gad lov wi fos.

2 Jan 1:13

Yu speshal speshal sista an ar pikni dem sen oudi fi unu.

Revilieshan 17:14

Dem a-go mek waar gens di Biebi Shiip, bot di Biebi Shiip a-go biit dem kaaz im a Laad uova aal laad an King uova evri king — im a-go av im speshal piipl dem wid im, we im kaal, pik, an we du we im se.”