Koloshan 3:11 - Di Jamiekan Nyuu Testiment

¹¹ Siek-a dat, wi no av Juu piipl difrant fram piipl we a no Juu. Wi no av piipl we sorkomsaiz difrant fram di wan dem we no sorkomsaiz. Wi no kaal nobadi wail, farina piipl, an wi no av sliev difrant fram piipl we frii. Kaaz rait ya nou, Krais Jiizas a aal wi bizniz bout, an im iina aal a wi we a liv da nyuu laif ya.

Koloshan 3:11 ပူးပေါင်းရင်းမြစ်များ

Jan 14:23

Jiizas se tu im se, “Ef sumadi lov mi den da sumadi de a-go du wa mi se dem fi du. Mi Faada a-go lov dem, an di tuu a wi a-go liv wid dem.

Jan 15:5

“Mi a di chrii; unu a di lim dem. Evri lim we a paat a mi — an we mi a paat a — dem bier nof fruut. Unu kyaahn du wan ting widout mi.

Jan 17:23

mi iina dem an yu iina mi — so dem kyan komiin laka wan, an so di piipl dem iina di worl mait-a nuo se a yu sen mi kom, an dat yu lov mi falara dem siem laka ou yu lov mi.

Aks 15:17

so dat aal di piipl we a no Juu we bilang tu mi, an di res a piipl iina di worl wi ton tu di Laad. A di Laad se dem sitn ya’

Aks 28:2

Di piipl dem shuo wi gud fies an chriit wi wel gud. An kaaz rien did staat faal an it did kuol, dem kech op faiya fi wi.

Aks 28:4

Wen di piipl si se di siniek eng an pan Paal an, dem se tu wan aneda se, “Da man ya a mos wan mordara! Iivn duo im get we fram di sii, di gad we niem Jostis se im no fi liv.”

Ruoman 1:14

It komiin laik se mi a evribadi sorvant. Gad sen mi fi priich di Gud Nyuuz tu di Griik piipl dem an tu di piipl dem we a no Griik. Im sen mi fi priich tu piipl we waiz an nuo nof, an tu piipl we no nuo notn.

Ruoman 10:12

an dat go fi di Juu dem an di piipl we a no Juu tu. Di siem sitn go fi di tuu a dem kaaz di tuu a dem av di siem Laad, an di Laad bles nof nof enibadi we kaal pan im.

Ruoman 3:22

Gad onggl mek tingz rait bitwiin im an piipl wen dem biliiv iina Jiizas Krais. A so it go fi evribadi weda yu a Juu ar yu a no Juu.

Ruoman 3:29

Anles wa unu a se a dat Gad a onggl Gad fi di Juu dem. Gad a no Gad fi di piipl dem we a no Juu tu? Afkuors im a fi dem Gad tu!

1 Korintiyan 12:13

Wen wi did get baptaiz, Gad gi aal a wi im Spirit an so di uol a wi a wan. It no mata ef yu a Juu ar yu a no Juu, ef yu a sliev ar yu frii, Gad gi aal a wi di siem Spirit.

1 Korintiyan 14:11

Ef sumadi a taak wan langwij we mi no andastan mi a-go tingk se dem kom fram wan neda konchri. An dem a-go tingk se mi kom fram wan difrant konchri tu.

1 Korintiyan 7:19

A no notn ef yu sorkomsaiz jos laik ou a no notn ef yu no sorkomsaiz. Di onggl ting we mata a dat unu du wa Gad se unu fi du.

Gyalieshan 2:20

An a no mi a liv no muor bot a Krais Jiizas a liv iina mi. Nou mi liv kaaz mi chos iina Gad Bwai Pikni — di wan we lov mi an we ded fi mi.

Gyalieshan 5:6

Kaaz wen yu an Jiizas a wan it no mata ef yu sorkomsaiz ar yu no sorkomsaiz. Di onggl ting wa mata a dat yu chos iina im. An yu shuo se yu chos iina im wen yu shuo lov.

Ifiijan 1:23

Nou, di choch a Jiizas badi. Jiizas gi di choch laif, an a im gi evriting evriwe laif.

Ifiijan 2:14

Wan taim, piipl we a Juu an piipl we a no Juu did iet dem wan aneda. Bot nou, Jiizas mek di tuu a dem liv laik wan. Im brok dong di iet we dem did fiil an we did a kip dem fram wan aneda. It did komiin laik wan stuon waal. Nou, dem kyan liv tugeda, kaaz Jiizas tek di tuu a dem an mek dem iina wan gruup a piipl.

Ifiijan 2:15

An im du dat, wen im ded pan di kraas an tek we di Laa wid di ruul dem, so wi no afi fala dem no muor. Im du dat, so dat, wid im uona laif, im kuda mek piis mongks piipl we a Juu an piipl we a no Juu, an so dat im kuda ton dem iina wan gruup a piipl.

Ifiijan 3:17

Chuu unu chos iina Krais Jiizas, mi prie se im wi liv iina unu aat. Unu tan chrang iina Gad lov jos laik ou chrii tan op chrang wen dem ruut gaan dong diip iina di grong. Siek-a dat,

Ifiijan 3:6

Di siikrit mesij a dat wen piipl we a no Juu biliiv iina di Gud Nyuuz, dem ton Gad pikni an tek paat iina aal a di gud sitn dem Gad gi di Juu piipl dem. Pan tap a dat, aal a dem jain op tugeda wid di Izrel piipl dem we bilang tu Gad, an siek-a wa Jiizas du, dem gweehn get aal a wa Gad pramis fi gi im piipl dem.

Ifiijan 6:8

Memba se Gad gweehn pie evribadi fi we dem du, sliev ar no sliev.

Koloshan 2:10

Unu fi wach out tu, kaaz Gad mek unu liv fi riil kaa unu kluos tu Krais Jiizas. Unu no niid notn els kaa evri spirit we av powa an a ruul, a Jiizas ruul uova dem.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.

2 Jan 1:9

Ef nobadi ton we fram di sitn dem wa Krais Jiizas tiich, im no av Gad iina im. Bot di sumadi we uol aan tait tu di sitn dem bout Krais Jiizas, da sumadi de av Faada Gad an im Bwai Pikni a liv iina im.