Koloshan 2:20 - Di Jamiekan Nyuu Testiment

²⁰ Sins Krais Jiizas ded pan di kraas, di spirit dem we ruul iina da worl ya naa no muo kanchuol uova unu. So sins unu did ded wid im, wa mek unu a liv laik se unu bilang tu da worl ya — a fala fi dem ruul an a du wa dem se?

Koloshan 2:20 ပူးပေါင်းရင်းမြစ်များ

Jan 15:19

Ef unu did komiin laka di piipl dem iina di worl, dem wuda lov unu laka ou dem lov dem uona piipl. Bot unu no komiin laka di piipl iina di worl, kaa mi pik unu out fram mongks dem. A it mek dem iet unu.

2 Korintiyan 10:3

Kaaz iivn duo wi liv iina di worl wi no fait laik ou di worliyan dem fait.

Gyalieshan 4:3

So yu si wi, wi a laik da pikni de. Wen wi did yong, di spirit dem we did av kanchuol uova di worl did av wi laik sliev.

Gyalieshan 6:14

Mi uop se mi wi onggl buos bout ou Jiizas ded pan di kraas fi mi an ou siek-a im, mi no liv laik ou di res a piipl iina di worl liv — mi ded tu di worl an di worl ded tu mi. Mi uop se mi neva eva buos bout notn els bot dat.

Ifiijan 2:15

An im du dat, wen im ded pan di kraas an tek we di Laa wid di ruul dem, so wi no afi fala dem no muor. Im du dat, so dat, wid im uona laif, im kuda mek piis mongks piipl we a Juu an piipl we a no Juu, an so dat im kuda ton dem iina wan gruup a piipl.

Koloshan 2:14

Im tier op aal we di Laa se wi uo, an niel dem pan di kraas. Im niel it op an muuv it outa wi wie, wen im did ded pan di kraas. An siek-a wa apm tu im, wi no afi pie fi notn agen.

Koloshan 2:16

So no mek nobadi joj non a unu an rait unu aaf siek-a wa unu nyam ar jringk. An no pie dem no main wen dem kom a tel unu bout no speshal uoli die we kom evri ier wen piipl worship Gad, ar bout di Nyuu Muun Festival ar wan Sabat die.

Koloshan 2:21

“No uol op uol op dat!”, “No toch dis!” Ar “No ties dat!”

Koloshan 2:8

Wach unuself! No mek nobadi chrap unu wid aagiment we onggl soun laik se dem mek sens, bot we no riili mek no sens at aal. Nuo! No mek dem tek unu ton no sliev. Dem aagiment de dis a taak bout ou piipl tingk bout sortn tingz, an bout wa faada tiich dem pikni, an we dem pikni de kom tiich fi dem pikni. Dem sitn de jos diil wid ou piipl luk pan di worl, an a jos taak bout powaful spirit we iina di worl. Dem no av notn fi du wid di chuu mesij bout Krais Jiizas.

Koloshan 3:3

Unu du dat, kaaz unu did ded an unu a-go liv wid Krais Jiizas. Unu riili a liv, duo unu no andastan bout it yet. Unu a-go liv kaa unu an Krais Jiizas kluos an Krais Jiizas an Gad kluos tu.

Iibruu 13:9

No mek di chrienj sitn dem we piipl go bout an a tiich mek unu chrie we. Kaaz a no ruul bout wa unu fi nyam an no nyam, mek di aat chrang. Bot a ou Gad lov wi so moch iivn duo wi no dizorv it — an a wan gud sitn dat. Di ruul dem bout wa piipl fi nyam neehn elp di piipl dem we did a fala dem.

Jiemz 4:4

Unu komiin laik piipl we sliip wid ada piipl waif an ozban! Unu no nuo se piipl we lov di worl iet Gad? So enibadi we mek di worl dem fren mek Gad dem enimi.

1 Jan 5:19

Wi nuo se wi bilang tu Gad an dat di devl kanchuol di uol worl.