Koloshan 2:14 - Di Jamiekan Nyuu Testiment

¹⁴ Im tier op aal we di Laa se wi uo, an niel dem pan di kraas. Im niel it op an muuv it outa wi wie, wen im did ded pan di kraas. An siek-a wa apm tu im, wi no afi pie fi notn agen.

Koloshan 2:14 ပူးပေါင်းရင်းမြစ်များ

Luuk 1:6

Gad si se di tuu a dem a did gud sumadi. Kaaz dem liv ou im waahn dem fi liv, dem du aal a wa im tel dem fi du an nobadi kudn paint no fingga pan dem.

Aks 3:19

So ton we fram unu sin, beg Gad paadn an kom bak tu im, so dat im wi tek we unu sin dem.

Koloshan 2:20

Sins Krais Jiizas ded pan di kraas, di spirit dem we ruul iina da worl ya naa no muo kanchuol uova unu. So sins unu did ded wid im, wa mek unu a liv laik se unu bilang tu da worl ya — a fala fi dem ruul an a du wa dem se?

2 Tesaluoniyan 2:7

Kaaz wan wikid sitn de bout we a wok anda di kwaiyat fi kaaz piipl fi go gens Gad Laa. Bot sumadi a uol it bak. An di wan we a uol it bak a-go gwaan uol it til im get muuv outa di wie.

Iibruu 7:18

So di fos laa did put wan said kaaz it neehn wot notn, an it kudn du wa it did fi du.

Iibruu 8:13

Wen di Laad se di pramis we im mek a wan ‘nyuu’ wan, im miin se di fos wan naa yuuz agen. An ef sitn naa yuuz, an a get uol, den it suun gaan an don fa.

1 Piita 2:24

Jiizas — im did fiil uol iip a pien iina im badi fi wi wen im did de pan di kraas siek-a fi wi sin. Im du dat so sin wi no av no muo powa uova wi, an wi kyan liv an du wa rait. An siek-a di sofarieshan we im go chuu: di biit op biit op an di kot op kot op we bata bruuz im, chuu dat yu did get iil.