Koloshan 2:13 - Di Jamiekan Nyuu Testiment

¹³ Wan taim unu did ded. Unu spirit did ded, an unu neehn kot we fram sin yet. So sin did stil av powa uova unu dem taim de. Bot Gad mek Krais Jiizas gi unu laif. Im paadn wi fi aal a wi sin dem.

Koloshan 2:13 ပူးပေါင်းရင်းမြစ်များ

Luuk 15:24

Mi pikni did ded bot im kom bak alaiv. Im did laas bot mi get im bak.’ So dem staat fi daans an praans.

Luuk 15:32

Bot wi did so glad wi did afi daans an praans, kaaz yu breda we did ded an kom bak alaiv, kom bak uom. Im did laas bot wi get im bak.’ ”

Luuk 9:60

Bot Jiizas tel im se, “Mek di ded galang go beri uu ded fi dem, bot yu, yu fi go tel piipl bout Gad kindom.”

Jan 5:21

Kaa, siem wie laka ou di Faada mek ded piipl kom bak alaiv, a siem wie so di Bwai Pikni gi laif tu enibadi im waahn gi'it tu.

Jan 6:63

Di Spirit a wa gi piipl riil laif. Piipl no wot notn; dem kyaahn dwi'it. A di Spirit mek mi se wa mi de se tu unu, an we di Spirit se kaaz piipl fi av laif.

Ruoman 4:17

It aal rait dong iina Gad wod dat Gad tel Iebriyam se, “Mi a-go mek yu di faada fi nof difrant piipl fram aal uova di worl.” Da pramis ya, gud, siek-a uu Gad bi. Dis a di Gad we Iebriyam did biliiv iina, di Gad we mek ded piipl kom bak alaiv an we kaaz evriting fi de bout, aal di sitn dem we neva de bout bifuo.

Ruoman 6:13

No lou no paat a unu fi miks op iina sin. No lou sin fi yuuz unu badi fi du aal kain-a wikidnis. Insted-a dat, gi unu laif tu Gad. A laik unu did ded an Gad mek unu kom bak alaiv an a liv nou. So unu mos gi unuself tu Gad. Gi im evri paat a unu so dat im wi yuuz unu fi du wa rait.

Ruoman 8:11

A Gad Spirit mek Jiizas kom bak alaiv. So den, ef Gad Spirit a liv iina unu, siem laik ou it mek Jiizas kom bak alaiv a siem so Gad wi yuuz im Spirit fi mek fi wi badi kom bak alaiv afta wi ded.

1 Korintiyan 15:36

Unu a fuul! Wen yu a plaant siid, it no afi ded an jrai out fos bifuo yu kyan plaant it.

1 Korintiyan 15:45

It aal rait dong iina Gad wod se, “Di fos man, Adam, Gad did afi mek im — Gad did afi gi im laif.” Bot di laas Adam, im a-go bi wan spirit we kyan gi piipl laif.

2 Korintiyan 3:6

A Gad mek wi kyan sorv im an go roun go tel piipl bout di Nyuu Diil we Gad mek wid wi. Da Nyuu Diil ya no av notn fi du wid di Laa we did rait dong. Iina da Nyuu Diil ya Gad sen im Spirit gi wi; kaaz di Laa kil bot di Spirit gi laif.

2 Korintiyan 5:19

Wa mi a se a dat Gad yuuz Jiizas fi mek tingz rait bitwiin im an di uol worl. Gad naa uol dem sin gens dem an im sen wi fi tel piipl bout ou im mek tingz rait bitwiin dem an im.

Ifiijan 2:1

Wan taim unu spirit did ded kaaz unu did a brok Gad laa an unu did a liv iina sin.

Ifiijan 2:11

“Piipl we no sorkomsaiz,” a dat di Juu dem kaal piipl we neva baan Juu. Di Juu dem kaal demself “piipl we sorkomsaiz,” kaaz fi dem faada sorkomsaiz dem wen dem sumaal, fi shuo se dem a Gad piipl. So memba

Ifiijan 5:14

Lait shuo op evriting an mek wi si wa dem riili komiin laik. A dat mek Gad wod se, “Unu we a sliip, wiek op, man. Aal a unu we ded, kom bak alaiv, an mek Krais Jiizas shain pan unu laka lait.”

Koloshan 2:12

An wen unu did get baptaiz, a laik se unu did ded an beri wid Krais Jiizas. An a laik se Gad mek unu liv agen tu wen Jiizas kom bak alaiv. Im du dat jos kaaz unu chos iina im powa. A im tek we Jiizas fram mongks ded piipl an mek im kom bak alaiv.

1 Timoti 5:6

Bot di uman we ozban ded an onggl kier bout wa shi waahn an no we Gad waahn, fi ar spirit ded iivn duo shi stil a liv.

1 Timoti 6:13

Infronta Gad we gi evriting laif an Jiizas Krais we tan op tu Ponchos Pailat an se wa im biliiv, mi a tel yu

Iibruu 6:1

So, mek wi muuv op man, an muuv paas di sitn dem we wi don tiich unu bout Krais Jiizas. Mek wi gruo paas dem sitn de, so wi kyan tiich unu siem laka ou wi wuda tiich piipl we chrang iina wa dem biliiv iina. Wi shudn afi tiich unu agen se piipl fi beg Gad paadn, chienj dem wiez an tap du di sitn dem we naa riili elp dem at aal, an dat dem fi biliiv iina Gad. Wi tiich unu dem sitn de wen unu did jos staat fala Jiizas.

Iibruu 9:14

den tingk bout umoch muo Krais Jiizas blod a-go du fi wi! Siek-a di Spirit we liv fi eva, im kuda gi op imself, an im naa no sin at aal. So fi im blod frii wi kanchens fram di sitn dem we wi du uova an uova fi worship, bot we riili naa no yuus an we boun fi kil wi aaf. Im blod frii wi kanchens fram dem de an mek wi kyan riili sorv di Gad we liv fi eva!

Jiemz 2:17

A siem so ef unu se unu biliiv sopm an no av no akshan fi bak it op, wa unu se unu biliiv no wot notn — it no mek no sens.

Jiemz 2:20

Ou unu so fuul-fuul! Unu waahn mi shuo unu se, ef sumadi se dem biliiv sopm bot no av no wok fi bak op wa im se im biliiv, it no wot notn?

Jiemz 2:26

So siem laik ou di badi ded an no wot notn wen di spirit lef it, a siem so it no wot notn wen sumadi se dem biliiv iina Gad an no du di wok wa shuo se dem riili biliiv.

1 Jan 2:12

Mi pikni mi a rait tu unu, kaaz Gad paadn unu sin siek-a wa Jiizas du.