Koloshan 2:10 - Di Jamiekan Nyuu Testiment

¹⁰ Unu fi wach out tu, kaaz Gad mek unu liv fi riil kaa unu kluos tu Krais Jiizas. Unu no niid notn els kaa evri spirit we av powa an a ruul, a Jiizas ruul uova dem.

Koloshan 2:10 ပူးပေါင်းရင်းမြစ်များ

Matyu 28:18

Den Jiizas kom kom se tu dem se, “Gad gi mi powa uova evriting we a liv iina evn an pan ort.

Jan 1:16

Siek-a ou im lov wi so moch an tel wi bier chuu sitn bout Gad, wi get muo lov fram im pan tap a di lov we wi did a get aredi.

1 Korintiyan 15:24

An di worl a-go don wen Jiizas gi Faada Gad im kindom. Bot Jiizas naa go gi Gad di kindom til im tek kanchuol uova aal a di wikid spirit dem an tek we dem powa so dat dem kyaahn du notn agen.

Ifiijan 3:10

Gad du aal a dis so dat, iina dem taim ya, di choch wuda shuo di spirit dem we ruul an we av nof powa iina di skai, ou Gad riili riili waiz.

Ifiijan 3:19

Mi prie se unu wi nuo bout Krais Jiizas lov iivn duo nobadi kyaahn figa out umoch im riili riili lov wi. Wen unu nuo bout Krais lov, Gad wi tek kanchuol a unu laif iina evri wie so til unu komiin jos laik im.

Koloshan 2:15

An so, im tek we di powa fram aal a di spirit dem we did a ruul an we did av powa, an shiem dem infronta evribadi. A biit im biit dem wen im ded pan di kraas.

Koloshan 3:11

Siek-a dat, wi no av Juu piipl difrant fram piipl we a no Juu. Wi no av piipl we sorkomsaiz difrant fram di wan dem we no sorkomsaiz. Wi no kaal nobadi wail, farina piipl, an wi no av sliev difrant fram piipl we frii. Kaaz rait ya nou, Krais Jiizas a aal wi bizniz bout, an im iina aal a wi we a liv da nyuu laif ya.

Iibruu 5:9

An nou dat im go chuu aal a dat, an kom ton aal a we im sopuoz fi bi, im en op ton di wan we siev piipl fi eva, so langks dem du wa im tel dem fi du.

1 Piita 3:22

Jiizas Krais de iina evn nou an im de saida Gad rait an. Im av kanchuol uova aal a di ienjel dem, an di spirit dem we ruul an av powa.