Koloshan 1:29 - Di Jamiekan Nyuu Testiment

²⁹ A dis mi a wok fa. Mi a wok aad aad. Mi onggl kyan du dis kaaz Krais Jiizas gi mi powa fi du it.

Koloshan 1:29 ပူးပေါင်းရင်းမြစ်များ

Luuk 13:24

“Chrai unu bes fi go chuu di naro duor. Nof sumadi a-go chrai fi go iin bot naa go get iin.

Ruoman 15:20

Wa mi did aalwiez waahn fi du a fi go priich di Gud Nyuuz bout Krais Jiizas wich paat nobadi neva go priich yet. Da wie de mi wudn a bil pan di wok we sumadi els di staat fi du,

Ruoman 15:30

Kaaz aal a wi biliiv iina Jiizas Krais, an siek-a di lov we di Uoli Spirit gi wi, mi a beg unu breda an sista fi prie tu Gad fi mi. Kom prie wid mi an prie aad aad.

1 Korintiyan 12:11

Di powa fi du aal a dem sitn de kom fram di siem Spirit an im gi da powa de tu enibadi im waahn gi it tu.

1 Korintiyan 12:6

Wen wi a sorv Gad, evri wan a wi av di powa fi du sopm bot a di siem Gad gi di uol a wi di powa fi du it.

1 Korintiyan 15:10

Bot a chuu Gad gud an kain tu mi mek mi kyan du wa mi a du nou, an aal we im du fi mi, a no fi notn. Mi wok aada dan aal a di ada apasl dem. Bot mi neva du it pan mi uon, Gad elp mi fi du it, kaaz im gud an kain tu mi.

2 Korintiyan 11:23

Dem a Krais Jiizas sorvant? (Mi a taak laik wan riil madman nou.) Mi a muor Krais sorvant dan dem. Mi wok aada dan dem. Mi get lak op iina prizn nof muor taim dan dem. Mi get nof muor biitn dan dem an a nof taim mi aalmuos ded.

2 Korintiyan 13:3

Mi naa go tek it iizi pan nobadi sins unu did waahn mi fi pruuv se Krais Jiizas a yuuz mi fi taak tu unu. Wen im diil wid unu im no wiik, im shuo im powa mongks unu.

2 Korintiyan 5:9

An so, wi mek shuor se evriting wi du a fi mek Gad api weda wi a liv pan ort ar wi de iina evn wid im.

2 Korintiyan 6:5

Piipl biit wi, dem fling wi iina prizn, kroud an kroud a piipl chrai kil wi aaf bot wi stil a wok. Wi a wok aal wen wi no av di chrent fi wok no muor. Nof nait wi no get no sliip an wi naa no fuud fi iit, bot wi stil a wok.

Ifiijan 1:19

Pan tap a dat, mi prie se unu wi andastan se notn kyaahn mach fi im powa we a wok fi di piipl we chos iina im. Da powa de a di siem chrang chrang powa

Ifiijan 3:20

Tangks an priez tu di muos powaful Gad! Im kyan du nof nof muor dan wa wi kyan tingk bout an nof muo dan wa wi kyan aks im fa, kaaz a fi im powa a wok iina wi laif!

Ifiijan 3:7

Siek-a ou Gad lov mi iivn duo mi no dizorv it, im yuuz im powa an pik mi fi gi mi da wok ya fi tel piipl bout di Gud Nyuuz.

Filipiyan 1:27

So mek shuor se unu liv ou di Gud Nyuuz bout Krais Jiizas se unu fi liv. Da wie de weda mi kom luk fi unu, ar mi no kom, mi wi ier se aal a unu a tan op chrang tugeda fi di siem ting an a fait fi wa unu biliiv bout di Gud Nyuuz.

Filipiyan 1:30

Di siem sitn dem we unu did si mi go chuu an ier se mi stil a-go chuu, a di siem sitn unu a diil wid nou.

Filipiyan 2:13

Unu kyan liv da wie de, kaaz a Gad a wok iina unu laif. A Gad mek unu waahn fi du di sitn dem we im waahn unu fi du. An a im gi unu di chrent fi du dem tu. An wen unu du dem, it mek im wel api.

Filipiyan 2:16

Unu fi tel di piipl dem Gad mesij — Gad mesij bout ou dem kyan get di laif we mek dem liv fi eva an eva. Unu fi du dat, so dat wen Krais Jiizas kom baka ort, mi wi kyan buos bout unu se mi neehn ron ar wok so aad mongks unu fi notn.

Koloshan 2:1

Mi waahn unu nuo ou aad mi a wok fi unu, an fi di piipl dem we de iina Leyodiisiya an fi aal a uu neva miit mi yet an no nuo wa mi luk laik.

Koloshan 2:12

An wen unu did get baptaiz, a laik se unu did ded an beri wid Krais Jiizas. An a laik se Gad mek unu liv agen tu wen Jiizas kom bak alaiv. Im du dat jos kaaz unu chos iina im powa. A im tek we Jiizas fram mongks ded piipl an mek im kom bak alaiv.

Koloshan 4:12

Epafras, we kom fram mongks unu, an we a wan a Krais Jiizas sorvant dem, im se oudi tu. Im eva a prie fi unu wid aal a im aat. Im prie se unu wi tan op chrang iina Gad an no tap chos iina im. Im prie se unu wi biliiv iina Gad so til nobadi kyaahn mek unu tap chos iina im. An im prie aad se unu wi nuo fi shuor wa Gad waahn unu fi du an fi biliiv.

1 Tesaluoniyan 2:9

Breda an sista, wi shuor se unu memba ou aad wi did afi wok. Wi wok die an nait so wi neehn afi presha nobadi ar bordn unu dong wen wi did kom priich tu unu di Gud Nyuuz we kom fram Gad.

2 Tesaluoniyan 3:8

Wi neehn tek nobadi fuud an nyam it ef wi neehn pie fa. Nuo, wi wok aad, die an nait so wi no afi presha an bordn dong nobadi.

2 Timoti 2:10

An sins di mesij no iina prizn mi wi gwaan sofa fi di piipl dem we Gad pik. So dat Jiizas Krais wi siev dem an so dem kyan liv fi eva wid Gad.

Iibruu 12:4

Unu a fait gens sin, bot unu neva yet fait so til blod staat ron.

Iibruu 13:21

wi gi unu aal a di gud sitn dem we impuotant fi go du wa im waahn unu fi du. Mi prie tu se im wi mek wi ton aal a wa im waahn wi fi ton. An dis wi apm kaaz im wi mek Krais Jiizas du dat. Di piipl dem fi priez Krais Jiizas fi eva an eva an lif im op. Iemen.

Revilieshan 2:3

Unu tan op chrang an no gi op wen chobl tek unu, an unu go chuu nof sofarieshan siek-a ou unu biliiv iina mi. An unu aalwiez fala mi, unu neva get taiyad an gi op.