Koloshan 1:28 - Di Jamiekan Nyuu Testiment

²⁸ Wi pred di mesij bout im. Wi waan piipl an tiich piipl bout wa dem no fi du an wa dem fi du. Wen wi waan an tiich, wi yuuz aal a di sens dem we Gad gi wi. An wi du aal a dis ya so evribadi kyan kom kluos tu Krais Jiizas, an kyan kom ton ou Gad waahn dem fi ton, an no shaat a notn wen wi tek dem go infronta Gad.

Koloshan 1:28 ပူးပေါင်းရင်းမြစ်များ

Matyu 28:20

Gwaan go tiich dem fi lisn an fala aal a di ruul dem we mi gu'unu. An memba, mi no lef unu non at aal, mi de wich paat unu de til taim don.”

Matyu 3:7

Bot wen im si uol iip a piipl fram di Farisii an Sadyusii gruup a kom fi im baptaiz dem, im se tu dem se, “Unu siniek pikni unu! A uu waan unu fi ron we fram di jojment we a kom?

Matyu 5:48

So ier mi nou, unu no fi gud onggl somtaim an onggl tu som piipl; nobadi no fi av notn bad fi se bout unu, tan jos laik unu faada we iina evn — im gud aal di wail, tu evribadi, an nobadi kyaahn se notn bad bout im an a taak chuut.”

Maak 6:34

Wen Jiizas kom outa di buot, im si di big big kroud a piipl pan di sii-said an im fiil sari fi dem, kaaz dem did komiin laik shiip we no av no shepad fi luk aafa dem. So im tiich dem nof sitn.

Luuk 21:15

Mi wi gi unu di wod dem so unu wi nuo ou fi ansa, so non a unu enimi dem kyaahn tan op gens unu ar se unu rang.

Aks 10:36

Unu nuo di mesij we Gad sen kom tu di Izrel piipl. Di mesij we se dat Gad a-go yuuz Jiizas we a Laad fi evribadi fi mek tingz rait wid im an piipl.

Aks 11:20

Bot yu did av som man we kom fram Saipros an Sairiin we did mongks dem piipl de we kom a Antiyak. Dem man de staat tu priich di gud nyuuz bout di Laad Jiizas tu di piipl we a no Juu tu.

Aks 13:38

“So mi breda an sista, mi waahn unu fi nuo dis, so wi a tel unu se, siek-a wa Jiizas du, Gad waahn unu fi nuo se unu kyan get paadn fu'unu sin dem.

Aks 17:18

Som tiicha we did bilang tu wan gruup we niem Epikyuuriyan an som we bilang tu wan neda gruup we niem Stowik did a aagyu wid Paal. An som ada wan aks, “A wa da likl bod-brien, mout-a-masi man ya a chat bout?” An som ada piipl ansa se, “It soun laik im a chat bout som kain-a gad we wi no nuo bout.” Dem se dat kaaz Paal did a priich di Gud Nyuuz bout Jiizas an ou Gad mek ded piipl kom bak alaiv.

Aks 17:3

Im shuo dem an elp dem fi andastan wa it miin wen Gad wod se Krais Jiizas did afi sofa an kom bak alaiv. Im se, “Da siem Jiizas ya we mi a tel unu bout, a im a di wan we Gad sen kom fi siev piipl.”

Aks 20:31

So wach unuself an memba ou nait an die fi chrii ier, mi neva tap waan evri wan a unu, iivn duo mi did afi go chuu nof sofarieshan.

Aks 3:20

Unu fi du dat so di Laad Gad wi sen wan taim fi unu spirit res an get chrang, an im wi sen Krais Jiizas kom tu unu, Jiizas we im pik fi siev piipl.

Aks 5:42

An evridie di apasl dem go a di yaad we Gad ous de an iina piipl ous go tiich an priich di Gud Nyuuz se Jiizas a di wan we Gad sen fi siev piipl.

Aks 8:35

So Filip staat a di siem paat we im did a riid an priich tu im di Gud Nyuuz bout Jiizas.

Aks 8:5

Filip go dong a wan siti iina Samieriya an priich tu dem bout Krais Jiizas.

Aks 9:20

Saal neva wies no taim. Im staat priich siem taim iina di Juu dem choch se Jiizas a Gad Bwai Pikni.

Ruoman 16:25

Mek wi priez Gad — Gad we kyan mek unu tan op chrang iina wa unu biliiv azkaadn tu di Gud Nyuuz we mi priich bout Krais Jiizas, an azkaadn tu di chuu sitn dem we a did siikrit fram lang lang taim a bak,

1 Korintiyan 1:23

Bot yu si wi, wi priich bout ou Krais Jiizas ded pan di kraas fi siev wi. Di Juu dem beks enitaim dem ier da mesij ya an di piipl dem we a no Juu tingk se a fuulinish wi a taak.

1 Korintiyan 1:30

A Gad kaaz unu fi kluos wid Jiizas Krais. An a Jiizas mek wi kyan nuo Gad an kyan andastan sortn tingz — Gad mek wi waiz wen wi kluos wid Jiizas. An chuu wi kluos wid Jiizas, Gad tek we aal a wi sin an mek tingz rait bitwiin wi an im. An so wi a im pikni nou.

1 Korintiyan 12:8

Gad Spirit mek som piipl kyan taak tingz we waiz, an ada piipl, Gad Spirit mek dem se tingz we ful op a wa Gad waahn piipl fi nuo.

1 Korintiyan 15:12

Nou ef wi a priich se Krais Jiizas kom bak alaiv, ou som a unu kyan a se dat nobadi kyaahn kom bak alaiv?

1 Korintiyan 2:15

Di piipl we av Gad Spirit a liv iina dem, dem kyan andastan evriting bot piipl we no av di Spirit naa go kyan andastan dem.

1 Korintiyan 2:6

Nou iivn duo mi no yuuz no big fansi wod, di piipl dem we biliiv iina Gad nof nof, dem tingk se di mesij we mi priich waiz. It no waiz kaaz a sopm we som sumaat piipl tingk op. An it no waiz kaaz di ruula dem we de bout nou an we a-go luuz dem powa an ded, tingk se it waiz.

1 Korintiyan 4:14

Mi naa rait dem sitn ya fi shiem unu. Mi a rait dem fi tiich unu kaaz unu a laik mi pikni dem an mi lov unu.

2 Korintiyan 10:14

So wi neva did a paas wi plies wen wi buos bout unu kaaz wi a di fos wan fi kom tu unu an priich di Gud Nyuuz bout Krais Jiizas. Ef a neva wi kom priich tu unu, wi kudn a brag an buos bout unu.

2 Korintiyan 11:2

Mi wori bout unu siem laik ou Gad wori bout unu. Siem laik ou wan faada wi tek im gyal pikni we neva sliip wid nobadi yet an pramis fi marid ar tu wan man, a siem so mi did tek unu an pramis fi marid unu tu Krais Jiizas.

2 Korintiyan 4:5

A dat mek wi no priich bout wiself bot wi priich an tel unu se Jiizas Krais a Laad. Wi, wi a onggl unu sorvant, kaaz a dat im sen wi fi du.

Ifiijan 3:8

Iivn duo mi no impuotant laik di res a Gad piipl dem, Gad shuo mi lov iivn duo mi no dizorv it an pik mi fi priich tu di piipl dem we a no Juu an fi tel dem bout di nais sitn dem we Krais Jiizas gi im piipl. Dem sitn de so big dat nobadi kyaahn figa dem out.

Ifiijan 5:27

Krais Jiizas du dis so im kuda gi op im choch tu imself laik wan gruup a piipl we luk wel gud — wan we no av no doti spat, no ringkl ringkl, ar notn laik dat, bot wan we gud an kliin an no av no faalt at aal.

Koloshan 1:22

Bot nou Gad mek unu im fren siek-a wa apm tu im Bwai Pikni. Im mek im Bwai Pikni ded so unu kuda get gud an kliin, widout no maak ar no sin, an unu no afi fiil gilti, an im naa go bliem unu fi notn wen unu kom infronta im.

Koloshan 2:10

Unu fi wach out tu, kaaz Gad mek unu liv fi riil kaa unu kluos tu Krais Jiizas. Unu no niid notn els kaa evri spirit we av powa an a ruul, a Jiizas ruul uova dem.

Koloshan 2:3

A im wan kyan mek unu andastan di chrezha dem we Gad did aid. Dem chrezha de wi mek unu waiz an kyan andastan, an riili nuo bout Gad. Kaaz a iina Krais Jiizas dem chrezha de de.

Koloshan 3:16

An unu fi gwaan mek di mesij bout Krais Jiizas liv iina unu aat an bles unu iina evri wie. So tiich an waan unu wan aneda. Du it laik unu av sens, an du it wid Saamz, di im dem an di sang dem we Gad Spirit gi unu fi sing. Sing tu Faada Gad wid aal a unu aat an gi im tangks.

Koloshan 4:12

Epafras, we kom fram mongks unu, an we a wan a Krais Jiizas sorvant dem, im se oudi tu. Im eva a prie fi unu wid aal a im aat. Im prie se unu wi tan op chrang iina Gad an no tap chos iina im. Im prie se unu wi biliiv iina Gad so til nobadi kyaahn mek unu tap chos iina im. An im prie aad se unu wi nuo fi shuor wa Gad waahn unu fi du an fi biliiv.

1 Tesaluoniyan 4:6

An unu mosn chriit unu breda an sista dem iina wan wie we no rait. Unu no fi tek advaantij a dem. Kaaz di Laad a-go ponish piipl fi aal a dem kain-a sin ya. Wi did don tel unu an waan unu aredi.

1 Timoti 3:16

Aal a wi nuo fi shuor se di uol a di sitn dem we Gad shuo wi, we jos big an powaful, a chuu. A chuu se: Jiizas baan a ort laik wan man. Di Uoli Spirit pruuv se Gad did tek im fi im Pikni an di ienjel dem did si im. Piipl priich tu evribadi bout im, evribadi put dem chos iina im an Gad tek im op iina evn.

1 Timoti 3:2

Di elda fi liv im laif so dat nobadi kyaahn se notn bad gens im. Im fi av onggl wan waif, im fi nuo ou fi kanchuol imself an no go uova buod wid notn. Piipl mos kyan rispek im an im fi kyan chriit piipl gud wen dem kom a im yaad. Di elda mos nuo ou fi tiich.

Iibruu 10:14

kaaz im tek jos wan aafrin an mek di uol a wi we a ton kliin iina Gad yai ton jos laik ou wi fi ton fi eva an eva.

Iibruu 13:21

wi gi unu aal a di gud sitn dem we impuotant fi go du wa im waahn unu fi du. Mi prie tu se im wi mek wi ton aal a wa im waahn wi fi ton. An dis wi apm kaaz im wi mek Krais Jiizas du dat. Di piipl dem fi priez Krais Jiizas fi eva an eva an lif im op. Iemen.

2 Piita 3:15

Memba se Gad a tek im taim so dat unu kyan get siev, jos laik wa wi gud fren, breda Paal rait an tel unu. A Gad mek im waiz so, so im kuda rait dem sitn de we im rait an tel unu.