Koloshan 1:20 - Di Jamiekan Nyuu Testiment

²⁰ An Gad yuuz Jiizas fi mek piis wid evriting an fi bring dem bak tu im, weda dem de pan ort ar iina evn. A dat im du wen im mek im Bwai Pikni bliid an ded pan di kraas.

Koloshan 1:20 ပူးပေါင်းရင်းမြစ်များ

Matyu 1:21

Shi a-go av wan bwai pikni an yu fi kaal im Jiizas, kaa im a-go siev im piipl dem fram dem sin.”

Luuk 2:14

“Priez Gad we de a evn, an piis fi evribadi we Gad api wid.”

Aks 10:30

Kaaniiliyos se tu im se, “Fuo die ago, siem chrii aklak iina di die ya, mi did de iina mi ous a prie. Aal av a sodn mi si wan man iina som brait brait kluoz a tan op infronta mi.

Ruoman 5:1

Gad put tingz rait bitwiin wi an im, kaaz wi biliiv iina im. An siek-a wa wi Laad Jiizas Krais did du, wi an Gad a liv iina piis.

Ifiijan 1:10

Wen Gad mek op im main se di taim rait, im wi mek Jiizas ruul an av powa uova evribadi an uova aal a di sitn dem we iina evn an wa de pan di ort.

Filipiyan 2:10

Faada Gad du dat so evribadi iina evn, an pan ort an anda di ort wi afi go dong pan dem nii siek-a di niem Jiizas,

Koloshan 1:16

Kaaz Gad yuuz Jiizas fi mek evriting we de a evn an we de pan di ort: evriting — aal we piipl kyan si an we dem kyaahn si. Evriting — a im mek di powaful spirit dem we a liid, ar a ruul. Evri singgl ting a im mek dem an a im dem mek fa.

Iibruu 2:17

So siek-a aal a dem sitn de nou, im did afi ton laik im breda an sista dem we de pan ort. Im did afi ton laik dem iina evri wie. Da wie de, az Gad elpa, im kuda ton wan liida fi di priis dem we Gad kyan chos, an im wi gud an kain tu piipl kaaz im andastan we dem a go chuu. An im kuda kom tek we di piipl dem sin tu.