Koloshan 1:19 - Di Jamiekan Nyuu Testiment

¹⁹ Eniting we mek Gad Gad, de iina Jiizas tu. Gad did api wid dat; a im mek it apm so.

Koloshan 1:19 ပူးပေါင်းရင်းမြစ်များ

Luuk 10:21

Dat de taim, di Uoli Spirit kaaz Jiizas fi get api an im se, “Faada, yu ron evriting iina evn an pan ort, mi priez yu. Mi priez yu kaaz yu a shuo dem sitn ya tu likl pikni bot yu aid dem fram piipl we tingk se dem brait an av nof sens. Yes Faada, a dat yu did waahn fi apm.

Jan 1:16

Siek-a ou im lov wi so moch an tel wi bier chuu sitn bout Gad, wi get muo lov fram im pan tap a di lov we wi did a get aredi.

Jan 3:34

Kaa, di wan we Gad sen kom se aal a wa Gad tel im fi se, kaa yu si, Gad gi'im evri singgl bit a im Spirit.

1 Korintiyan 1:21

Kaaz piipl tingk se dem waiz, lef tu demself, dem wudn nuo Gad. Bot sins Gad riili waiz, im mek it so dat piipl kuda get siev ef dem biliiv di siem mesij we dem se a fuulinish.

Ifiijan 1:23

Nou, di choch a Jiizas badi. Jiizas gi di choch laif, an a im gi evriting evriwe laif.

Ifiijan 1:3

Wi priez Gad. Im a di Gad an Faada fi wi Laad Jiizas Krais. Kaaz wi an Krais Jiizas a wan, Faada Gad mek wi spirit api an mek wi kyan tek paat iina evriting gud we kom fram evn.

Ifiijan 1:5

im mek op im main fram wie bak wen se im wuda tek wi fi im pikni dem, siek-a wa Jiizas Krais wuda du. A dat im did waahn an it mek im api.

Ifiijan 4:10

Di siem wan we go dong iina di diip paat a di ort, a im siem wan go op a di ai ai plies, ai op muor dan di skai. Im du dat, so dat im kuda ruul di uol worl.)

Koloshan 2:3

A im wan kyan mek unu andastan di chrezha dem we Gad did aid. Dem chrezha de wi mek unu waiz an kyan andastan, an riili nuo bout Gad. Kaaz a iina Krais Jiizas dem chrezha de de.

Koloshan 2:9

Uu Jiizas bi no difrant fram uu Gad bi. Eniting we mek Gad Gad, de iina Jiizas tu, an aal wen im did de iina man faam im did tan siem laik Gad.

Koloshan 3:11

Siek-a dat, wi no av Juu piipl difrant fram piipl we a no Juu. Wi no av piipl we sorkomsaiz difrant fram di wan dem we no sorkomsaiz. Wi no kaal nobadi wail, farina piipl, an wi no av sliev difrant fram piipl we frii. Kaaz rait ya nou, Krais Jiizas a aal wi bizniz bout, an im iina aal a wi we a liv da nyuu laif ya.