Koloshan 1:18 - Di Jamiekan Nyuu Testiment

¹⁸ Im a di ed fi di choch, we a fi im badi, so a im kanchuol it. Im a di wan we staat op evriting — a im gi nyuu laif. An im a di fos wan fi ded an kom bak alaiv. Da wie de, im a fos iina evriting an im ruul uova evriting.

Koloshan 1:18 ပူးပေါင်းရင်းမြစ်များ

Matyu 23:8

“Bot nobadi no fi kaal unu, ‘tiicha,’ kaa a onggl wan Tiicha de bout, plos di uol a unu a breda an sista; nobadi no aiya dan nobadi.

Matyu 28:18

Den Jiizas kom kom se tu dem se, “Gad gi mi powa uova evriting we a liv iina evn an pan ort.

Jan 1:1

Wen taim did staat, di Wod did de bout, an di Wod did de de wid Gad. Matarafak, di Wod a did Gad.

Jan 1:16

Siek-a ou im lov wi so moch an tel wi bier chuu sitn bout Gad, wi get muo lov fram im pan tap a di lov we wi did a get aredi.

Jan 1:27

Mi no iivn gud inof fi pul di chrap dem pan im slipaz. Im a-go pik op afta mi lef an gaan.”

Aks 26:23

Dem se di wan we Gad sen fi siev piipl did afi ded so im kuda bi di fos wan fi kom bak alaiv an fi mek piipl we a Juu an piipl we a no Juu nuo se dem kyan get siev, an da mesij de a-go komiin laik lait tu dem.”

Ruoman 8:29

Kaaz di piipl we Gad pik iivn bifuo im mek di worl, im maak dem. Im maak dem fi ton laik im Bwai Pikni, so dat im Bwai Pikni wuda bi di fos outa aal a im pikni dem.

1 Korintiyan 11:3

Bot mi waahn unu fi andastan se Krais, im a di ed fi evri man, evri ozban a di ed fi im waif, an Gad a di ed fi Krais.

1 Korintiyan 12:27

Nou unu mek op Jiizas Krais badi, evri wan a unu a paat a im badi.

1 Korintiyan 15:25

Kaaz Jiizas afi ruul uova di kindom, til im put di uol a im enimi dem anda im fut.

Ifiijan 1:10

Wen Gad mek op im main se di taim rait, im wi mek Jiizas ruul an av powa uova evribadi an uova aal a di sitn dem we iina evn an wa de pan di ort.

Ifiijan 5:23

Dem fi du dis kaaz di ozban a di ed a di waif siem laik ou Krais Jiizas a di ed fi di choch. Im a di wan we siev di choch, an di choch a fi im badi.

Koloshan 1:24

Rait ya nou, mi api se mi a sofa fi unu. Mi a sofa laik ou Krais Jiizas did sofa, so mi kyan go chuu aal a we mi fi go chuu. Di sofarieshan mi a go chuu a fi mek gud sitn apm tu di choch, Krais badi.

Koloshan 2:19

Jiizas Krais a di ed, an dem no diil wid di ed no muo. A di ed kanchuol di badi. An di uol badi dipen pan it. Di ed mek di jaint an di mosl dem kom tugeda, an a dem uol op di badi. A dat mek evri paat a di badi wok tugeda, an so di badi gruo ou Gad waahn it fi gruo.

1 Jan 1:1

Di wan we niem di Wod we did de bout fram wie bak wen kom dong a ort tu wi. Wi did ier di Wod wid wi uona iez, si it wid wi uona yai dem, an toch it wid wi uon tuu an dem. A da siem Wod ya wi a tel unu bout.

Revilieshan 1:18

Mi alaiv! Mi did ded wan taim, bot luk, nou mi a liv fi eva! Mi av di kii an di powa fi uopm ar lak op di plies we di ded piipl dem de, an mi kyan mek dem kom bak alaiv.

Revilieshan 1:5

An mi prie se Jiizas Krais, di wan we aalwiez taak di chuut bout Gad, wi gud an kain tu unu an gi unu piis iina unu aat. Im a di fos wan fi ded an kom bak alaiv, an a im ruul uova aal a di king dem we de pan ort. Jiizas a di wan we lov wi an a im frii wi fram wi sin dem wid im blod wen im ded pan di kraas.

Revilieshan 1:8

Di Laad Gad se, “A mi staat evriting an evriting don wid mi. Mi a di wan we alaiv, di wan we de bout fram wie bak wen, an di wan we a-go kom baka ort. A mi a di wan we av aal a di powa.”

Revilieshan 11:15

Wen ienjel nomba sevn bluo fi im chompit, mi ier som loud vais iina evn a se, “Nou fi wi Gad, an Krais Jiizas av di rait fi ruul uova di uol worl an im a-go ruul fi eva an eva.”

Revilieshan 21:6

Im se tu mi se, “Evriting don nou. Mi a di fos an mi a di laas. Evriting staat wid mi an evriting don wid mi. Aal uufa chuot jrai, mi a-go gi dem waata fi jringk — waata fram di spring we gi laif, an mi a-go gi dem it frii.

Revilieshan 22:13

Mi a di fos an mi a di laas — Evriting staat wid mi, an evriting don wid mi.

Revilieshan 3:14

An den im se, “Rait da leta ya go gi di liida fi di choch we iina Leyodiisiya an tel im se: Da mesij ya a kom fram di wan we niem di Iemen, di wan we aalwiez shuo wi di chuut bout Gad, an a im Gad yuuz fi mek evriting.