Juud 1:21 - Di Jamiekan Nyuu Testiment

²¹ Tan iina Gad lov an gwaan wiet fi Jiizas kom an mek wi liv fi eva, kaaz a dat im a-go du, kaaz im so gud an kain tu wi.

Juud 1:21 ပူးပေါင်းရင်းမြစ်များ

Jan 1:17

Kaaz, yu si, Gad gi Muoziz di Laa fi gi wi, bot im yuuz Jiizas fi mek wi nuo wa chuu, an siek-a Jiizas, im shuo wi lov we wi no dizorv.

Jan 14:21

Di sumadi we nuo an du wa mi se, a dem lov mi. Mi Faada a-go lov di sumadi we lov mi. Mi a-go lov dem tu, an mi gweehn shuo dem a uu mi bi.”

Aks 11:23

Wen im riich an si ou Gad did gud tu dem iivn duo dem neva dizorv it, im did wel api an elp push aal a dem fi gwaan chos iina di Laad wid aal a dem aat.

Ruoman 5:21

Im du dat, so dat, jos laik ou evribadi evriwe did a ded siek-a dem sin, a siem so Gad lov, iivn duo wi neva dizorv it, wuda kaaz piipl fi liv fi eva. Siek-a Gad lov an siek-a wa wi Laad Jiizas Krais du, Gad put tingz rait bitwiin im an piipl an mek dem liv fi eva an eva.

Ruoman 5:5

An kaaz wi nuo se Gad a-go gi wi we im pramis, wi no afi wori. Wi no afi wori kaaz wi nuo se Gad lov wi. Im shuo wi umoch im lov wi wen im gi wi di Uoli Spirit.

Ruoman 6:23

So aal sin du a kaaz piipl fi ded. So ef sin a yu maasta dat a aal yu a-go get. Bot wa Gad gi wi, im gi wi fi frii — a wan gif. Wen wi biliiv iina wi Laad Jiizas Krais, wen wi an im ton wan, Gad mek wi liv fi eva an eva.

Ruoman 8:39

Mi nuo fi shuor se, notn we de wie op iina di skai ar we de anda di ort kyan mek im tap lov wi. Az a matarafak, notn we Gad mek, notn at aal kyan tek we di lov we kom fram Gad an we Krais Jiizas shuo wi.

2 Tesaluoniyan 3:5

Nou, mi prie se di Laad wi mek unu andastan umoch im lov unu an elp unu fi eng aan an no gi op siem laik wa Krais Jiizas did du.

1 Timoti 1:2

Timoti, yu komiin laik se yu a riili fi mi pikni kaaz di tuu a wi biliiv an chos iina di siem Gad. Mi prie se wi faada Gad an wi Laad Jiizas Krais wi gud an kain tu yu, shuo yu lov iivn duo wi no dizorv it an gi yu piis iina yu aat.

2 Timoti 1:16

Mi prie se Gad wi gud an kain tu Onisiforos an im fambili. Kaaz im neva shiem fi kom luk fi mi iina jiel an fi mek mi aat api.

2 Timoti 1:18

Mi prie se pan di die Gad kom bak fi joj di worl dat im wi gud an kain tu Onisiforos. Yu nuo se im did elp mi nof nof wen mi did iina Efisos.

2 Timoti 1:2

Timoti, yu komiin laik mi uona pikni we mi lov, mi prie se Faada Gad an wi Laad Jiizas Krais wi shuo yu lov iivn duo wi no dizorv it, mi prie tu se im wi gud an kain tu yu an gi yu piis iina yu aat.

2 Timoti 4:8

Di Laad we aalwiez fier tu evribadi wen im a joj dem, a-go gi mi wan kroun fi aal a di wok we mi du. Im a-go gi mi it wen im kom bak fi joj di worl. An a no mi wan a-go get kroun, im a-go gi evribadi we did a lang fi im kom bak.

Iibruu 9:28

wel a siem so, Krais Jiizas sakrifais imself onggl wan taim fi paadn uol iip a piipl sin. Bot wen im kom bak, a no kom im a kom fi tek we sin bot fi siev di piipl dem we a wiet fi im.

2 Piita 3:12

wail unu a luk faawod fi jojment die kom an a du unu bes fi mek it kom kwik. A da die de evn a-go bon op, an di yuunivors wid aal di son, muun, staar an aal a dem sitn de a-go bon op tu an melt op.

1 Jan 4:16

Gad a lov. Wi nuo an wi biliiv se Gad lov wi. Enibadi we aalwiez kip kluos tu Gad an shuo lov tu ada piipl, Gad kluos wid dem, an im elp dem fi lov piipl di wie ou im waahn dem fi lov dem.

1 Jan 5:18

Wi nuo se nobadi we baan Gad pikni no jos kip aan a sin so. Gad Bwai Pikni kip dem sief, so di devl kyaahn toch dem.

1 Jan 5:21

Mi pikni, kip unuself fram faalz gad.

Juud 1:1

Da leta ya a kom fram mi, Juud. Mi a wan a Jiizas Krais sliev an Jiemz breda. Mi a rait aal a unu we Faada Gad pik fi bi fi im uon, we im lov, an we Jiizas Krais kip sief.

Juud 1:22

Tek taim wid di wan dem we naa chos iina Gad wid aal a dem aat.

Juud 1:24

Di onggl Gad, di wan we siev unu, av powa fi kip unu fram tombl dong iina di devl chrap. Im wi mek unu tan op infronta im iina im brait brait lait wen im kom bak iina aal a im powa, an mek unu wel api an no fain no faalt wid unu.

Revilieshan 12:11

Gad piipl biit di devl an no gi iin tu di sitn dem we im waahn dem fi du, kaaz dem neva tap biliiv iina Jiizas we did gi op im laif pan di kraas fi dem. An dem neva tap pred di Gud Nyuuz bout Jiizas. An dem neva lov dem laif so moch dat dem wuda fried fi ded.