Juud 1:18 - Di Jamiekan Nyuu Testiment

¹⁸ Dem did tel unu se iina di laas die dem, di taim wen di worl bout fi don, unu gweehn av som piipl we gweehn mek fon a Gad an im mesij an im piipl. Dem a-go liv onggl fi di wikid sitn dem we dem waahn.

Juud 1:18 ပူးပေါင်းရင်းမြစ်များ

Aks 20:29

Mi nuo se afta mi lef som man a-go kom mongks unu we komiin laik som torbl wail animal an dem a-go kom mash op di choch.

2 Timoti 3:13

Bot di wikid piipl dem an di fraad dem a-go get fram bad tu wos. Dem a-go gwaan chrik piipl an lou demself fi get chrik tu.

2 Timoti 4:3

Kaaz wan taim a-go kom wen piipl naa go put op wid ar lisn tu wa Gad piipl a tiich. Insted-a dat, fi mek demself api, dem a-go luk fi di tiicha dem we wi tel dem wa dem waahn fi ier, kaaz dem lov ier nyuu sitn.

2 Piita 2:1

Yu did av faalz prafit we yuus tu kom tu di piipl dem iina di paas, a siem so nou faalz tiicha wi kom tu unu. Widout unu iivn si wa a gwaan, dem wi siniik iin di faalz sitn we dem tiich fi mek unu chrie. An dem aal a se Jiizas Krais, di Laad an Maasta, a no fi dem Laad, wen a im siem wan did pie fi mek dem go frii, so dat sin no av no powa uova dem. Bot bifuo dem kyan iivn bat dem yai, a el an powda ous dem a bring dong pan demself.

2 Piita 2:10

An aal di wan dem we eva gi iin tu wa dem badi waahn an iet nobadi we ruul uova dem, a dem im a-go ponish wikid wikid. Dem faalz tiicha ya, so brait an out-a-aada an tingk se dem nuo muo dan evribadi els, so dem mosn lisn wa nobadi se. An dem no fried fi bad mout di spirit dem we av powa fi ruul uova piipl.

2 Piita 3:3

Fos ting fos, unu fi andastan se iina di laas die dem, piipl we mak piipl we biliiv iina Jiizas, a-go kom laaf aafa unu tu. Dem waahn fi du di rang sitn dem an a dat dem galang go du!

Juud 1:16

Dem piipl de no du notn bot grombl an paint fingga pan ada piipl; eniting we dem wikid aat tel dem fi du — a dat dem du. Dem buos bout demself an swiit-taak piipl so dem kyan yuuz dem fi di rang riizn.

Juud 1:4

Kaaz som man slip iina unu choch anda di kwaiyat. Dem man de maak fi get mash dong fram wie bak wen, an a dat mi a-go tel unu bout. Dem man de no av notn fi du wid Gad. Kaaz Gad lov piipl iivn duo dem no dizorv it, dem yuuz dat fi du aal kain-a wikidnis an ton gens Jiizas Krais, wi onggl maasta an Laad.