Juud 1:15 - Di Jamiekan Nyuu Testiment

¹⁵ Im a kom fi joj evribadi. Im gweehn ponish aal di wikid piipl dem fi aal di rang sitn dem we dem du gens Gad an fi aal di taim we dem kos im out.”

Juud 1:15 ပူးပေါင်းရင်းမြစ်များ

Jan 5:27

An pan tap a dat, di Faada gi di Bwai Pikni di powa fi joj piipl, kaaz a im a di Man we Gad Pik.

Aks 17:31

kaaz im set wan die wen im a-go joj aal a di piipl iina di worl. An im av wan speshal man we a-go joj piipl fi'im, an da man de a-go joj evribadi di wie ou dem fi get joj — im no paashal. An Gad mek da man de kom bak alaiv afta im did ded fi mek evribadi si se a no no juok ting im a diil wid.”

Ruoman 14:10

So den unu we no iit miit — wa mek unu a joj unu breda an sista? An unu we iit evriting — wa mek unu a luk dong pan unu breda an sista? Aal a wi afi go tan op infronta Gad fi im joj wi.

Ruoman 2:16

Di siem ting we mi priich a di siem ting we a-go apm pan di die wen Jiizas kom bak fi joj di worl. Im a-go joj piipl bies pan wa dem tingk an wa dem du, iivn di sitn dem we dem du iina siikrit.

Ruoman 2:5

Bot kaaz unu aad-iez an mek op unu main se unu naa ton we fram unu sin — unu a mek tingz aad fi unuself. Pan di die wen Gad kom bak fi joj di worl, im a-go ponish unu. Im a-go shuo se im beks wid di piipl dem we a sin, an im a-go ponish dem. An im a-go ponish unu aada dan di res a piipl dem.

1 Korintiyan 4:5

So no bada joj nobadi til di taim rait. Wiet til di Laad kom. Aal a di rang sitn dem we piipl du an chrai fi aid, im wi mek evribadi nuo bout dem an im wi shuo wa riili de iina piipl aat. An den Gad wi big op di wan dem we du di wok we im gi dem an we du it gud.

1 Korintiyan 5:13

Gad wi joj di piipl we no biliiv iina im. “Ron di wikid piipl dem fram mongks unu.”

1 Timoti 1:9

Wi andastan se di Laa neva mek fi gud piipl bot fi piipl we a kriminal an di wan dem we wudn fiil no wie ef dem brok di Laa. It mek fi piipl we no worship di chuu Gad an di sina dem, fi di wan we no fala no kain-a gad an di wan dem we kos Gad. Di Laa mek fi di mordara dem — aal di wan dem we wuda kil dem uona mada an faada.

Juud 1:16

Dem piipl de no du notn bot grombl an paint fingga pan ada piipl; eniting we dem wikid aat tel dem fi du — a dat dem du. Dem buos bout demself an swiit-taak piipl so dem kyan yuuz dem fi di rang riizn.

Revilieshan 13:11

Den mi luk an si wan neda wail animal a kom op outa di ort. Im did av tuu aan laik we di Biebi Shiip av, bot im taak laik di jragan.

Revilieshan 22:20

Jiizas, di wan we tel wi dem sitn ya, im se, “Ye, mi suun kom.” Iemen! Kom Laad Jiizas!