Juud 1:12 - Di Jamiekan Nyuu Testiment

¹² Dem man ya wi mash op unu miitn wen dem kom nyam an jringk wid unu. Unu fi kip we fram dem, siem laik ou ship kyaptin chrai fi kip we fram san bangk iina shalo waata. Wen dem a nyam an jringk wid unu dem no bizniz wid nobadi onggl demself. Dem komiin laik kloud we no av no rien we briiz bluo aal bout. Dem a laik chrii we no bier no fruut wen a taim fi bier fruut. Dem jrai op, ded an get ruut op.

Juud 1:12 ပူးပေါင်းရင်းမြစ်များ

Matyu 13:6

Wen di son kom op it skaach op di plaant dem, an, chuu dem ruut neehn lang inof, dem jrai op an ded.

Matyu 15:13

Ier Jiizas no, “Evri plaant we mi Faada iina evn neva plaant a-go ruut op.

Maak 4:6

Wen di son kom op, it skaach op di plaant dem, an, chuu dem ruut neehn lang inof, dem jrai op an ded.

Luuk 12:45

Supuoz di sorvant se tu imself se, ‘Mi maasta a tek wan lang taim fi kom bak,’ an so im staat biit di ada sorvant dem an iit, jringk an get jongk.

Luuk 16:19

“Wan taim yu did av wan rich man we yuus tu jres op iina porpl kluoz mek outa fansi an dier klaat an did a liv big laif evridie.

Luuk 21:34

“Wach out an no spen di uol a unu taim a nyam an jringk, an a fret bout laif, ar da die de a-go kriip op an kech unu laik wan chrap.

Luuk 8:6

Som jrap pan rakstuon, an wen dem staat gruo, dem kudn get no waata so dem jrai op an ded.

Ifiijan 4:14

Wen da taim de kom, wi naa go komiin laik likl pikni we iizi fi get fuul op. Wi naa go komiin laik wan likl buot we di sii pich aal bout, ar we briiz bluo aal uova di plies. No laiyad, jinal tiicha kyaahn kom chrik wi ar fuul wi op.

Filipiyan 3:19

Dem piipl de, fi dem gad a dem beli an wa dem badi waahn. Di sitn dem we dem shuda shiem bout, a dem sitn de dem a buos bout. Di onggl ting we ful op dem main a di sitn dem we iina da worl ya. Gad gweehn mash dong dem piipl de.

1 Timoti 5:6

Bot di uman we ozban ded an onggl kier bout wa shi waahn an no we Gad waahn, fi ar spirit ded iivn duo shi stil a liv.

Iibruu 13:9

No mek di chrienj sitn dem we piipl go bout an a tiich mek unu chrie we. Kaaz a no ruul bout wa unu fi nyam an no nyam, mek di aat chrang. Bot a ou Gad lov wi so moch iivn duo wi no dizorv it — an a wan gud sitn dat. Di ruul dem bout wa piipl fi nyam neehn elp di piipl dem we did a fala dem.

Jiemz 5:5

Unu a liv big laif pan ort. Unu get evriting unu waahn fi mek unu api. Bot rait ya nou, unu komiin laik dem big fat kou we dem a kyari go a bucha shap fi go kil.