Jiemz 5:17 - Di Jamiekan Nyuu Testiment

¹⁷ Ilaija a did jos wan man laik enibadi els. Im prie aad aad an aks Gad no fi mek no rien faal. An fi chrii an a aaf ier, no iivn wan jrap a rien neehn faal pan di lan.

Jiemz 5:17 ပူးပေါင်းရင်းမြစ်များ

Luuk 4:25

A chuu ting se, nof uman we ozban ded did de a Izrel iina Ilaija taim. Dem taim de no rien neehn faal fi chrii an a aaf ier an bad bad staavieshan did de aal uova di konchri.

Revilieshan 11:6

Gad gi dem tuu man de powa fi shot op di skai so no rien kyaahn faal di uol taim dem de de a priich im mesij bout wa a-go apm. An im gi dem powa tu fi ton waata iina blod an fi lik di ort wid aal kain-a sofarieshan enitaim dem waahn.

Aks 14:15

“Oi! Oi! Wa unu a du dem sitn de fa? No dwi'it! Wi a jos man siem laik unu! Wi onggl kom fi tel unu di Gud Nyuuz. Wi a tel unu fi ton we fram dem woklis sitn ya, an ton tu Gad, di Gad we liv fi eva an we mek evn an ort an di sii an evriting iina dem.

Aks 10:26

Bot Piita elp im fi get op. Im se, “Tan op man, mi a jos wan man siem laik yu.”

Ruoman 11:2

Gad no ton im bak pan im piipl — di piipl we im pik fram bifuo im mek di worl! Unu no memba wa Gad wod se did apm wen Ilaija go komplien tu Gad bout aal we di Izrel piipl did a du? Ilaija se,