Jiemz 5:16 - Di Jamiekan Nyuu Testiment

¹⁶ Ef unu sin, unu fi tel wan aneda wa unu du, an prie fi wan aneda so unu kyan get beta. Wen sumadi we liv rait prie, im prieya ful op a powa an wi mek gud sitn apm.

Jiemz 5:16 ပူးပေါင်းရင်းမြစ်များ

Matyu 21:22

An eniting we unu prie an aks Gad fa, ef unu biliiv se im gu'unu, unu wi get it.”

Matyu 3:6

an wen dem taak infronta evribadi bout aal a di rang sitn we dem du, an ou dem sari se dem du dem sitn de, im baptaiz dem iina di Jaadn Riva.

Maak 1:5

Piipl fram aal uova Judiya an evribadi we liv iina Jeruusilem did a go tu im. Wen dem si se dem a sina, an sari fi di rang we dem du, im baptaiz dem iina di Riva Jaadn.

Luuk 9:6

So Jiizas apasl dem chravl fram dischrik tu dischrik, a priich di Gud Nyuuz an a kyuor piipl.

Jan 9:31

Wi nuo se Gad no lisn tu piipl we a sina. Im lisn tu dem we rispek im, an du we im se.

Aks 10:38

Unu nuo ou Gad did gi Jiizas we kom fram Nazaret im Uoli Spirit an powa. Jiizas go aal bout a du gud sitn, an aal a di piipl we di devl did kanchuol, Jiizas frii dem kaaz Gad did de wid im.

Aks 19:18

Uol iip a di wan dem we did biliiv tan op infronta evribadi an tel dem bout di rang sitn dem we dem did a du.

Aks 8:24

Den Saiman se tu dem, “Unu prie tu di Laad fi mi so dat non a di sitn dem we unu taak bout wi no apm tu mi.”

Ruoman 3:10

A siem so it se iina Gad wod. It rait dong se: “Nobadi, no iivn wan sumadi, du we rait iina Gad yai.

Ruoman 5:19

So, kaaz wan man neva du we Gad se im fi du, sin kom iina di worl an siek-a dat evribadi a sina. A siem so, Gad mek tingz rait bitwiin im an piipl kaaz wan man did du we im tel im fi du.

Koloshan 1:9

Siek-a dis, fram di die wi ier dat, wi no tap prie fi unu an a aks Gad fi mek unu nuo fi shuor wa im waahn unu fi du. Wi prie se im Spirit wi mek unu waiz an kyan andastan. Da wie de unu wi riili nuo wa im waahn.

1 Tesaluoniyan 5:17

No tap prie.

1 Tesaluoniyan 5:23

Wi prie se Gad imself we gi piipl piis, wi put unu wan said fi liv fi im an sorv im wid aal a unu aat, an wi mek unu tan jos laik im iina evri wie. An wi prie se im wi no mek no paat a unu — spirit, suol ar badi, kyan get bliem fi notn wen wi Laad Jiizas Krais kom bak.

1 Tesaluoniyan 5:25

Breda an sista, prie fi wi.

Iibruu 11:4

A kaaz Iebl chos iina Gad mek im bon wan beta sakrifais gi Gad dan Kien. A kaaz im chos iina Gad mek Gad se im api wid im, an se im a sumadi we du di rait sitn dem. An siek-a di chos we im chos iina Gad, im stil a chat iivn duo im ded, kaaz wa Iebl did du stil a sen wan mesij tu wi.

Iibruu 11:7

Afta Gad waan Nowa bout di sitn dem we Nowa kudn si yet, a kaaz Nowa chos iina Gad an av nof nof rispek fi im mek im lisn we Gad se an go bil wan big buot fi siev im fambili. Kaaz Nowa did chos iina Gad so, im kot aaf imself fram di piipl dem iina di worl an shuo se dem rang kaa dem no chos iina Gad. Gad se, “Nowa a sumadi we du wa rait” kaaz Nowa chos iina im.

Iibruu 12:13

Waak pan ruod we chriet so di piipl dem uufa fut wiik an kyaahn waak gud, dem fut naa go get no wos, bot wi get beta.

Iibruu 13:18

Prie fi wi. Wi shuor se wi kanchens naa bada wi an wi waahn liv rait iina evri wie.

1 Piita 2:24

Jiizas — im did fiil uol iip a pien iina im badi fi wi wen im did de pan di kraas siek-a fi wi sin. Im du dat so sin wi no av no muo powa uova wi, an wi kyan liv an du wa rait. An siek-a di sofarieshan we im go chuu: di biit op biit op an di kot op kot op we bata bruuz im, chuu dat yu did get iil.

1 Jan 3:22

an eniting wi aks Gad fa im gi wi, kaaz wi du we im se wi fi du an wi du di sitn dem we wi nuo mek im api.