Jiemz 5:15 - Di Jamiekan Nyuu Testiment

¹⁵ An wen di choch liida dem prie tu di Laad an biliiv se im ier dem, dem prieya a-go mek di sik sumadi get beta. Di Laad a-go mek dem get beta, an ef dem did sin, im a-go paadn dem.

Jiemz 5:15 ပူးပေါင်းရင်းမြစ်များ

Jiemz 5:13

Ef non a unu a sofa an av prablem, unu fi prie. Ef non a unu api, unu fi sing an priez Gad.

Jiemz 5:16

Ef unu sin, unu fi tel wan aneda wa unu du, an prie fi wan aneda so unu kyan get beta. Wen sumadi we liv rait prie, im prieya ful op a powa an wi mek gud sitn apm.

Jiemz 1:6

Bot wen yu aks yu mos biliiv se Gad a-go gi yu we yu aks fa. Enibadi we aks Gad fi sopm an stil a wanda ef Gad gweehn gi dem, tan jos laik wen briiz a bluo sii waata an it jos a-go op an dong so.

Matyu 17:20

So im se tu dem se, “Kaaz unu neehn riili biliiv se Gad wuda dwi'it. Ier wa mi a se, an a chuu mi a taak, ef unu biliiv, iivn fi likl bit — likl laik di liklis siid dem, unu wi se tu da moutn ya, ‘Muuv fram ya-so go de-so,’ an it muuv. Notn naa de bout we unu naa go kyan du.”

Jan 5:14

Afta di liida dem kwestiyan di man, Jiizas fain im iina Gad ous an se tu im, “Si'it de, yu beta nou! Tap sin ar sitn wosa mait-a go apm tu yu.”

Jan 6:39

An a dis di wan we sen mi waahn: im waahn mi fi no mek non a di piipl dem we im gi mi laas; im waahn mi fi mek dem kom bak alaiv pan di laas die.

1 Korintiyan 1:21

Kaaz piipl tingk se dem waiz, lef tu demself, dem wudn nuo Gad. Bot sins Gad riili waiz, im mek it so dat piipl kuda get siev ef dem biliiv di siem mesij we dem se a fuulinish.

2 Korintiyan 4:14

Kaaz wi nuo se siem laik ou Gad mek wi Laad Jiizas kom bak alaiv, im wi mek wi kom bak alaiv tu kaaz wi biliiv iina Jiizas. An Gad wi tek wi op wid unu an bring wi wich paat im de.

Jiemz 5:20

memba dis: di wan we elp im kom bak a-go siev im so im no ded an im wi get paadn fi di uol iip a rang we im du.