Jiemz 5:13 - Di Jamiekan Nyuu Testiment

¹³ Ef non a unu a sofa an av prablem, unu fi prie. Ef non a unu api, unu fi sing an priez Gad.

Jiemz 5:13 ပူးပေါင်းရင်းမြစ်များ

Matyu 26:30

Afta dem sing wan im don, dem lef go a Mount Aliv.

Luuk 22:44

Jiizas did a sofa an dat mek im prie aada. Im swet komiin laik blod a jrap a grong.

Luuk 23:42

Den im se, “Jiizas, memba mi wen yu kom iina yu kindom.”

1 Korintiyan 14:15

So wa mi fi du den? Wa mi fi du a mek mi spirit prie bot prie wid mi ed tu an tingk bout wa mi a se. An wen mi a sing priez tu Gad, mi wi sing wid mi spirit an sing wid mi main tu an tingk bout wa mi a sing se.

1 Korintiyan 14:26

So mi breda an sista, a wa unu fi du den? Mi a-go tel unu! Wen unu gyada tugeda fi av choch, evriting we unu du, unu fi du it so dat unu wi elp evribadi. A so it fi tan wen sumadi a sing wan sang ar a tiich, ar a kyari mesij fram Gad. A so it go wen sumadi a taak iina tongz ar wen sumadi a tel unu we di piipl we a taak iina tongz a se.

Ifiijan 5:19

Da wie de, wen unu a taak tu wan aneda, unu kyan yuuz saamz, sing som im, an sing di sang dem we di Spirit gi unu. Unu wi kyan sing an mek myuuzik bobl iina unu aat an priez di Laad.

Iibruu 5:7

Wen Jiizas did de ya pan ort a liv, im did prie tu Gad aad aad, di wan we kuda siev im an no mek im ded. Im krai out loud an baal yai-waata. An Gad did ier im kaaz Jiizas did ombl imself, chos iina Gad an did eva redi fi du wa Gad tel im fi du.

Jiemz 5:10

Mi breda an sista, ef unu waahn fi nuo ou fi riili wiet pan di Laad iivn wen unu a sofa, luk pan Gad prafit dem we gi out im mesij. Dem neva gi op, iivn wen dem did a go chuu nof chobl.

Revilieshan 14:3

An dem sing wan nyuu sang infronta di chuon an infronta di fuo laiv wail animal an di elda dem. Nobadi kudn lorn di sang, onggl di 144,000 we Gad did siev.

Revilieshan 7:10

An dem baal out iina wan loud loud vais an se: “A fi wi Gad we sidong pan im chuon an di Biebi Shiip siev wi.”