Jiemz 5:12 - Di Jamiekan Nyuu Testiment

¹² Bot mi breda an sista, ef unu no memba notn els, memba dis, no swier non at aal. No swier an kaal pan evn, ar no swier an kaal pan ort, ar no swier an kaal pan notn at aal. Jos mek shuor se wen unu se “yes,” unu miin yes, an wen unu se “no,” a no unu miin. Da wie de unu wi no kaal dong Gad jojment pan unuself.

Jiemz 5:12 ပူးပေါင်းရင်းမြစ်များ

1 Korintiyan 11:34

Ef sumadi onggri mek dem nyam a dem yaad, so dat wen unu gyada tugeda unu no bring dong jojment pan unuself. Wen mi kom, mi wi gi unu som muor ruul bout som ada tingz we mi waahn unu fi fala.

Jiemz 1:16

Mi breda an sista, no fuul unuself.

Jiemz 1:19

Mi breda an sista, ier wa mi a se, unu mos kwik fi ier an sluo fi taak ar get beks.

1 Piita 4:8

An muo dan notn els unu fi riili lov unu wan aneda aal di taim an wid aal a unu aat. Kaa lov kova op sin, no mata ou it mait-a uol iip.

3 Jan 1:2

Mi prie se evriting aarait wid yu, an dat yu badi aati jos laik ou yu suol aati.