Jiemz 5:10 - Di Jamiekan Nyuu Testiment

¹⁰ Mi breda an sista, ef unu waahn fi nuo ou fi riili wiet pan di Laad iivn wen unu a sofa, luk pan Gad prafit dem we gi out im mesij. Dem neva gi op, iivn wen dem did a go chuu nof chobl.

Jiemz 5:10 ပူးပေါင်းရင်းမြစ်များ

Luuk 13:34

“Ai Jeruusilem, Jeruusilem, yu we kil di prafit dem an stuon di wan dem we Gad sen tu unu, mi lang fi gyada yu piipl roun mi, laik ou foul gyada fi ar pikni dem anda ar wing, bot unu neva waahn mi fi dwi'it!

Luuk 6:23

“Mek unuself api wen dem sitn de apm tu unu, an jomp op an dong wid jai iina unu aat, kaaz nof gud sitn pudong iina evn fi unu. Di piipl dem we a chriit unu bad, a siem so fi dem piipl yuus tu chriit Gad prafit dem.

Aks 3:21

Jiizas afi tan a evn til di taim kom fi Gad mek evriting nyuu. A dat Gad mek im prafit dem tel piipl fram wie bak wen.

Aks 7:52

Wich wan a Gad prafit dem fi unu faada faada dem neva mek sofa? Dem aal kil Gad mesinja dem we did tel dem fram wie bak wen se di wan we aalwiez du we rait did a kom. Bot unu sel im out an kil im.

Iibruu 13:7

Memba unu liida dem we tel unu bout Gad wod. Tingk bout wa did apm siek-a ou dem liv dem laif, an chos iina Gad jos laik dem.

Jiemz 4:11

Mi breda an sista, no taak bad sitn buot wan aneda! Ef unu du dat ar joj piipl an gwaan laik se Gad kyaahn paadn dem, unu a se Gad Laa no gud. An ef unu se di Laa no gud unu a gwaan laik se a unu a joj uova di Laa.

Jiemz 5:13

Ef non a unu a sofa an av prablem, unu fi prie. Ef non a unu api, unu fi sing an priez Gad.

Jiemz 5:7

Mi breda an sista, no gi op, jos wiet til di Laad kom. Tingk bout ou wan faama afi wiet lang fi di soma an di spring rien fi mek im fiil gruo.

Jiemz 5:9

Mi breda an sista, no bada grombl grombl bout wan aneda, ar Gad wi joj unu. An luk, di joj tan op rait a di duor.