Jiemz 4:6 - Di Jamiekan Nyuu Testiment

⁶ Bot muo dan notn els, Gad gud an kain tu wi. A dat mek Gad wod se, “Gad kaaz buosi piipl plan fi mash op bot im gud an kain tu piipl we ombl demself.”

Jiemz 4:6 ပူးပေါင်းရင်းမြစ်များ

Matyu 13:12

Kaaz enibadi we andastan di siikrit sopm dem bout Gad kindom, Gad a-go mek dem andastan muo, bot enibadi we no andastan, aal di likl we dem did andastan, Gad a-go tek we dat fram dem.

Matyu 23:12

An enibadi we kom kom a big op demself, dem a-go get sitn fi kwaiyat dem. An di wan dem we ombl demself, a dem Gad a-go big op.

Luuk 1:52

Gad aal dong ruula aafa dem ai chuon an lif op piipl we nobadi neva tingk se mata.

Luuk 14:11

Evribadi we put demself uova ada piipl, wi get pudong, bot ef yu ombl yuself, yu wi get big op.”

Luuk 18:14

“Mi a tel unu da man ya, no di Farisii, bot di taks kalekta, im go a im yaad an evriting rait bitwiin im an Gad. Enibadi we put demself uova ada piipl a-go get pudong, an dem we ombl demself, wi get lif op ai.”

Jiemz 4:10

So ombl unuself infronta Gad, an du evriting we im se unu fi du an im wi big unu op.

1 Piita 5:5

Nou fi di wan dem we yongga dan di elda dem, a siem so unu fi lisn di elda dem an du wa dem se unu fi du. Evribadi we de iina di choch, unu fi ombl unuself an elp unu wan aneda, kaaz unu si iina Gad wod se, “Gad fait gens enibadi we buosi, bot im bles di wan dem we ombl demself.”