Jiemz 4:2 - Di Jamiekan Nyuu Testiment

² Unu waahn sitn we unu no av bot unu kyaahn get it. Unu grojful an red yai an wi iivn kil fi get wa unu waahn! Bot unu stil kyaahn get we unu waahn kaaz unu no aks Gad fi it.

Jiemz 4:2 ပူးပေါင်းရင်းမြစ်များ

Jan 16:24

Aal nou unu no aks fi notn kaa unu a mi falara. Aks an unu wi get we unu aks fa, so dat unu kyan riili riili api.

Jiemz 1:5

Ef sumadi no waiz, aal dem afi du a aks Gad an im wi mek dem waiz, kaaz Gad naa go uol bak notn fram dem. Im wi gi dem wa dem aks fa so dem wi nuo se im lov dem.

Jan 4:10

Jiizas ansa ar an se, “Ef yu did nuo bout di speshal sitn we Gad gi — Ef yu did nuo a uu de aks yu fi waata, yu wuda aks im fi waata, an im wuda gi yu it an mek yu liv wan nyuu saat a laif.”

Jiemz 5:6

Unu mek joj rait aaf piipl we no du notn rang se dem gilti, an morda dem. An dem kudn iivn tan op fi demself gens unu.

1 Jan 3:15

Enibadi we iet dem breda ar sista a wan mordara, an wi nuo se no mordara kyaahn liv fi eva wid Gad.