Jiemz 4:12 - Di Jamiekan Nyuu Testiment

¹² Bot a onggl wan sumadi gi di Laa, an a im a di onggl joj. A im kyan siev piipl an im kyan sen dem go ded tu. So uu unu tingk unu bi fi a joj nobadi?

Jiemz 4:12 ပူးပေါင်းရင်းမြစ်များ

Matyu 10:28

No fried a nobadi, kaa dem kyan onggl kil di badi, dem kyaahn kil unu suol. Uu unu fi fried a a Gad, kaa im kyan dash unu dong a el, an mash op unu badi an suol.

Luuk 12:5

Mek mi tel unu uu unu fi fried a: fried a di wan we kyan kil di badi an av di powa fi fling unu suol dong a el tu. Yes mi a tel unu, a im unu fi fried a.

Ruoman 14:13

So mek wi tap joj wi wan aneda. Insted-a dat mek wi chrai wi bes fi no du notn we wi kaaz wi breda an sista fi sin.

Ruoman 14:4

Uu unu tingk unu bi, fi a joj sumadi els sorvant? A onggl di sorvant maasta kyan tel im ef im a du we im fi du ar ef im naa du we im fi du — onggl dem maasta kyan se ef dem a tan op ar dem a faal dong. An dem wi tan op kaaz di Laad kyan mek dem tan op.

Ruoman 2:1

Unu si aal a unu we a joj ada piipl, no mata uu unu bi, unu naa go kyan se notn wen Gad kom fi joj di worl. Kaaz wen unu a joj ada piipl, it komiin laik unu a joj unuself, kaaz di rang sitn dem we dem a du, a di siem sitn unu a du tu.

Ruoman 9:20

So wiet, a uu unu tingk unu bi? Unu we a jos man, wa mek unu tingk se unu kyan chat bak tu Gad? “Di klie pat kyan ton roun an aks di sumadi we mek it, ‘Wa mek yu mek mi so?’ ”

Iibruu 7:25

Piipl kyan kom tu Gad siek-a im an im kyan siev dem piipl de fi eva an eva. Im kyan siev dem fi eva kaaz im naa ded so im kyan aalwiez taak tu Gad fi dem.

Jiemz 5:9

Mi breda an sista, no bada grombl grombl bout wan aneda, ar Gad wi joj unu. An luk, di joj tan op rait a di duor.