Jiemz 4:11 - Di Jamiekan Nyuu Testiment

¹¹ Mi breda an sista, no taak bad sitn buot wan aneda! Ef unu du dat ar joj piipl an gwaan laik se Gad kyaahn paadn dem, unu a se Gad Laa no gud. An ef unu se di Laa no gud unu a gwaan laik se a unu a joj uova di Laa.

Jiemz 4:11 ပူးပေါင်းရင်းမြစ်များ

1 Piita 2:1

So tap dabl iina aal kain-a sin an wikidnis. No beks wid piipl an no chat tu dem, no bada tel no lai an no bi no ipokrit niida. Unu no fi bad main piipl fi we dem av. An mek shuor se unu no tek unu mout an tier dong nobadi.

Ruoman 2:1

Unu si aal a unu we a joj ada piipl, no mata uu unu bi, unu naa go kyan se notn wen Gad kom fi joj di worl. Kaaz wen unu a joj ada piipl, it komiin laik unu a joj unuself, kaaz di rang sitn dem we dem a du, a di siem sitn unu a du tu.

Jiemz 5:9

Mi breda an sista, no bada grombl grombl bout wan aneda, ar Gad wi joj unu. An luk, di joj tan op rait a di duor.

Luuk 6:37

“No joj piipl laik se Gad kyaahn paadn dem. Ef unu du dat di siem ting a-go riich unu. An no bada se nobadi gilti an rait dem aaf, kaaz dat wi riich unu tu. Paadn piipl, an unu wi get paadn tu.

1 Korintiyan 4:5

So no bada joj nobadi til di taim rait. Wiet til di Laad kom. Aal a di rang sitn dem we piipl du an chrai fi aid, im wi mek evribadi nuo bout dem an im wi shuo wa riili de iina piipl aat. An den Gad wi big op di wan dem we du di wok we im gi dem an we du it gud.

Ifiijan 4:31

Tap kyari beli fi unu wan aneda, an beks op beks op an a get mad wid unu wan aneda — tap it. Tap kos out an tier dong unu wan aneda an unu no fi wikid tu unu wan aneda niida.

2 Korintiyan 12:20

Mi fried se wen mi riich de, unu naa go tan ou mi waahn unu fi tan an mi naa go tan ou unu waahn mi fi tan. Mi fried se wen mi riich de a bier kyas-kyas a gwaan, piipl a-go beks an a shout aafa dem wan aneda, an piipl a bad main ada piipl fi dem sitn dem. Mi fried se mi a-go fain unu a tel lai pan unu wan aneda an a susu-susu bout unu wan aneda an evribadi onggl a-go bizniz bout demself. Wen mi kom de mi fried se mi a-go fain piipl a gwaan buosi-buosi an evriting a-go ton opsaid dong.

2 Timoti 3:3

Dem naa go lov dem wan aneda ar notn we gud. Dem a-go taak bad bout dem wan aneda tu. Iina di laas die dem, piipl naa go av no kanchuol uova demself an dem a-go gwaan laik dem a wail daag.

1 Timoti 3:11

A siem so di uman dem mos liv dem laif so piipl wi rispek dem. Dem no fi susu-susu, lai ar taak bad bout piipl. Insted-a dat dem fi kyan kanchuol demself, no go uova buod wid notn an piipl fi kyan chos dem.

Ruoman 7:7

So den wa wi kyan se? Unu tingk wi kyan se di Laa a sin? Unu tingk wi kyan se it rang? Nuo! Notn kyaahn go so! Ef a neva fi di Laa mi wudn iivn nuo wa sin bi! Mi wudn nuo wa it miin fi red yai ef di Laa neva se, “Unu no fi red yai.”

Ruoman 2:13

Kaaz Gad mek tingz rait bitwiin im an di piipl we ier di Laa an fala aal we it se, no wid di piipl dem we jos ier it bot naa fala it.

Jiemz 1:25

Bot ef nobadi tek a gud luk iina di Laa we rait iina evri wie, an wa set piipl frii, ef im gwaan du wa it se an no figet it — a im a-go get bles.

Taitos 2:3

A siem so di uolda uman dem fi liv laik uman we se dem a fala Gad. Dem no fi tel lai ar taak bad bout ada piipl. Dem no fi lov wain so til dem kyaahn tap jringk it niida. Di uolda uman dem fi tiich wa gud.

Jiemz 1:16

Mi breda an sista, no fuul unuself.

Jiemz 1:19

Mi breda an sista, ier wa mi a se, unu mos kwik fi ier an sluo fi taak ar get beks.

Jiemz 2:8

A gud sitn ef unu fala di Laa we aiya dan eni ada laa, an we rait dong iina Gad wod se, “Unu fi lov unu nieba siem laik ou unu lov unuself.”

Jiemz 5:7

Mi breda an sista, no gi op, jos wiet til di Laad kom. Tingk bout ou wan faama afi wiet lang fi di soma an di spring rien fi mek im fiil gruo.

Jiemz 5:10

Mi breda an sista, ef unu waahn fi nuo ou fi riili wiet pan di Laad iivn wen unu a sofa, luk pan Gad prafit dem we gi out im mesij. Dem neva gi op, iivn wen dem did a go chuu nof chobl.