Jiemz 3:9 - Di Jamiekan Nyuu Testiment

⁹ Di siem tong we wi yuuz fi priez Faada Gad, a di siem tong wi a yuuz fi kos aaf piipl we Gad mek fi tan laik imself.

Jiemz 3:9 ပူးပေါင်းရင်းမြစ်များ

Matyu 26:74

Piita staat kos an kaal dong aal kain-a kraasiz pan imself. An im swier an se, “Mi no nuo di man!” Sed taim wan kak kruo.

Matyu 5:44

Bot dis a wa mi a se, lov unu enimi dem an prie fi di piipl dem we chriit unu bad an mek unu sofa.

Aks 2:26

Siek-a dat an kaaz mi aat api, mi gi yu priez wid mi uona mout. An mi shuor se evriting a-go aarait, iivn duo mi a wan man jos laik evribadi els, bot mi a luk fi get aal wa Gad pramis fi gi mi.

Ruoman 3:14

Dem eva a kos an a wish bad tingz pan piipl, an evriting wa dem se shuo se dem bita.”

1 Korintiyan 11:7

Man no niid fi kova im ed kaaz Gad mek man fi bi laik im an man shuo ou Gad griet. Bot uman, uman shuo ou man griet.

Ifiijan 1:3

Wi priez Gad. Im a di Gad an Faada fi wi Laad Jiizas Krais. Kaaz wi an Krais Jiizas a wan, Faada Gad mek wi spirit api an mek wi kyan tek paat iina evriting gud we kom fram evn.

Jiemz 1:27

Di kain-a wok we gud an kliin iina Faada Gad yai a dis: elp di pikni dem uufa faada an mada dem ded an we a sofa, an di uman dem we ozban ded an we a sofa tu, an kip we fram di wikid sitn dem we iina di worl.

Jiemz 3:10

Di mout we wi a yuuz fi priez Gad a di siem mout wi a yuuz fi kos out piipl. Mi breda an sista, notn kyaahn go so.

1 Piita 1:3

Tangks an priez tu di Gad an Faada a wi Laad Jiizas Krais. Im so gud an kain tu wi, im gi wi nyuu laif wen im mek Jiizas Krais ded an kom bak alaiv. Da wie de, wi nuo fi shuor se wi kyan get wa im pramis wi.