Jiemz 3:6 - Di Jamiekan Nyuu Testiment6 Iivn duo di tong a paat a wi badi, it komiin laik wan torbl faiya. It ful op a wikid powa we kyan mes op yu uol laif an put yu iina so moch chobl dat it komiin laik aal el brok luus pan yu, kaaz di tong komiin laik it set pan faiya we kom chriet fram el. အခန်းကိုကြည့်ပါ။ |
Bot ier wa mi a se, jos beks wid unu breda ar unu sista, an unu afi go a kuot, an di joj a-go se unu gilti an rait unu aaf! An enibadi we shiem dem breda ar sista an tel dem ou dem woklis an dem sitn de, unu a-go afi go a di tap-a-tap joj dem, an enibadi we kaal dem breda ar sista wan woklis gud fi notn fuul — el faiya a-go riich dem.
So wen mi kom, mi a-go mek evribadi nuo bout di wikid lai dem wa im a tel pan mi. Bot a no onggl dat im du, im ton we di breda an sista dem we kom a di choch an chriit dem riil bad. An di ada breda an sista dem iina di choch we kain tu di wan dem we a priich Gad mesij, Daiyachrofiiz chriit dem riil torbl tu, an ron dem outa di choch.