Jiemz 3:2 - Di Jamiekan Nyuu Testiment

² Aal a wi du rang sitn nof taim. Bot ef sumadi neva se notn rang yet dem no av no sin at aal. Kaaz ef nobadi kyan kanchuol dem tong dem kyan kanchuol dem uol badi tu.

Jiemz 3:2 ပူးပေါင်းရင်းမြစ်များ

Matyu 12:34

Unu likl siniek pikni unu! Ou unu kyan se notn we gud, wen unu wikid an tan bad? Kaaz wa kom outa yu mout, a wa de iina yu aat.

Matyu 12:37

Kaaz a di wod we yu se wi mek yu rait wid Gad, an a di wod we yu se wi mek Gad rait yu aaf.”

Ruoman 3:10

A siem so it se iina Gad wod. It rait dong se: “Nobadi, no iivn wan sumadi, du we rait iina Gad yai.

Ruoman 7:21

So mi fain se dis a wa a apm iina mi laif. Wen mi waahn fi du we rait, mi kyan onggl chuuz fi du wa wikid.

1 Korintiyan 9:27

Nuo mi no mek mi badi kanchuol mi, mi kanchuol mi badi an mek it du wa mi waahn it fi du. Da wie de afta mi don priich di Gud Nyuuz Gad kyaahn se mi no dizorv fi mi praiz.

Gyalieshan 3:22

Bot a no so it go. Iina Gad wod it rait dong se, sin av powa uova evribadi iina di worl, it komiin laik se wi iina prizn. An so Gad pramis fi siev wi an mek wi liv fi eva ef wi biliiv iina Jiizas Krais.

Gyalieshan 5:17

Kaaz di rang sitn dem we di badi waahn fi du, di Spirit no waahn dat. An di sitn dem we di Spirit waahn fi du, di badi no waahn dat. Di tuu a dem eva a fait wid dem wan aneda, a so mek unu kyaahn aalwiez du wa unu waahn fi du.

Koloshan 1:28

Wi pred di mesij bout im. Wi waan piipl an tiich piipl bout wa dem no fi du an wa dem fi du. Wen wi waan an tiich, wi yuuz aal a di sens dem we Gad gi wi. An wi du aal a dis ya so evribadi kyan kom kluos tu Krais Jiizas, an kyan kom ton ou Gad waahn dem fi ton, an no shaat a notn wen wi tek dem go infronta Gad.

Koloshan 4:12

Epafras, we kom fram mongks unu, an we a wan a Krais Jiizas sorvant dem, im se oudi tu. Im eva a prie fi unu wid aal a im aat. Im prie se unu wi tan op chrang iina Gad an no tap chos iina im. Im prie se unu wi biliiv iina Gad so til nobadi kyaahn mek unu tap chos iina im. An im prie aad se unu wi nuo fi shuor wa Gad waahn unu fi du an fi biliiv.

Iibruu 13:21

wi gi unu aal a di gud sitn dem we impuotant fi go du wa im waahn unu fi du. Mi prie tu se im wi mek wi ton aal a wa im waahn wi fi ton. An dis wi apm kaaz im wi mek Krais Jiizas du dat. Di piipl dem fi priez Krais Jiizas fi eva an eva an lif im op. Iemen.

Jiemz 1:26

Ef nobadi tingk se im a sorv Gad di rait wie, bot im kyaahn kanchuol im tong, im jos a fuul imself, an we im se im a du fi Gad no wot notn.

Jiemz 1:4

Unu fi gwaan uol aan chrang no mata wa apm an chos iina Gad so unu kyan bi aal we Gad waahn unu fi bi, an so unu wi no shaat a notn.

Jiemz 2:10

Kaaz iivn ef unu kip aal a di Laa dem an onggl brok wan, unu brok di uol a dem siem wie.

1 Piita 3:10

Laik we rait dong iina Gad wod, “Enibadi we waahn fi liv fi lang an liv api tu, dem mosn se notn bad bout nobadi, an dem fi tap tel lai.

1 Piita 5:10

Bot afta unu sofa likl, di Gad we lov unu so til, we no uol bak non a im lov fram unu, im sed wan we kaal unu fi enjai im powa we kyaahn don, kaaz unu a fala Krais Jiizas — im a-go fiks bak evriting fi unu agen, an di chos unu chos iina im, im a-go mek dat chrang chrang. Im a-go mek unu aat chrang tu, so unu kyan anggl di sofarieshan. An im a-go mek shuor se unu tan op chrang iina im no mata ou rof it mait-a get.