Jiemz 3:10 - Di Jamiekan Nyuu Testiment

¹⁰ Di mout we wi a yuuz fi priez Gad a di siem mout wi a yuuz fi kos out piipl. Mi breda an sista, notn kyaahn go so.

Jiemz 3:10 ပူးပေါင်းရင်းမြစ်များ

Ruoman 12:14

Di piipl we a kaaz unu fi sofa, unu mos prie an aks Gad fi bles dem; aalwiez aks Gad fi bles piipl, no prie an aks im fi du notn bad tu dem.

1 Korintiyan 3:3

Unu stil a mek di sitn dem we unu badi waahn kanchuol unu. Ef unu eva a kos unu wan aneda, an ef unu eva red yai an waahn waahn unu wan aneda sitn dem, unu no tingk se unu a mek unu badi kanchuol unu? Unu no tingk se unu a gwaan laik di piipl dem we no nuo Gad?

1 Timoti 5:13

Plos, ef dem go roun fram yaad tu yaad dem wi get liezi. Dem wi get liezi an staat susu-susu, kaaz chobl, an taak tingz we dem no fi a taak.

Jiemz 1:16

Mi breda an sista, no fuul unuself.

Jiemz 1:19

Mi breda an sista, ier wa mi a se, unu mos kwik fi ier an sluo fi taak ar get beks.

Jiemz 3:1

Mi breda an sista, nof a unu no fi ron go chrai ton tiicha, kaaz unu nuo se wi we a tiicha a-go get joj aada.

Jiemz 3:11

Ou fresh waata an saalt waata fi kom outa di siem spring, iihn?

Jiemz 3:9

Di siem tong we wi yuuz fi priez Faada Gad, a di siem tong wi a yuuz fi kos aaf piipl we Gad mek fi tan laik imself.

1 Piita 3:9

Wen sumadi du unu sopm, unu no fi du dem bak notn. An wen dem kos unu out, no bada kos dem aaf; insted-a dat unu fi aks Gad fi bles dem kaaz Gad kaal unu fi bles unu.