Jiemz 2:5 - Di Jamiekan Nyuu Testiment

⁵ Mi breda an sista, ier wa mi a se. No Gad pik di puo piipl iina di worl fi bles dem kaaz dem biliiv iina im? Im pik dem fi tek paat iina im kindom wa im pramis fi gi aal uu lov im.

Jiemz 2:5 ပူးပေါင်းရင်းမြစ်များ

Matyu 11:5

Di blain kyan si nou; kripl piipl a waak; piipl we av siknis we mek dem skin fasi-fasi, dem skin kom bak gud gud, def piipl a ier nou, ded a kom bak alaiv, an di gud nyuuz a priich tu puo piipl.

Matyu 25:34

“Den di king a-go se tu di wan dem pan im rait-an-said se, ‘aal a unu we mi Faada bles, kom kom tek Gad Kindom, a fu'unu uon. Gad did fiks it op fu'unu fram im a mek di worl.

Matyu 5:3

“Aal a unu we nuo se unu niid Gad iina evri wie, Gad bles unu, kaa di gud sitn dem we Gad gi wen im ruul piipl laif iina evri wie, a unu a-go get dem.

Maak 7:14

Den Jiizas kaal di kroud wan muo taim fi kom wich paat im did de an se tu dem se, “Aal a unu lisn mi, an andastan dis:

Luuk 12:21

“Dis a wa apm tu enibadi we siev op fi demself di sitn dem we de pan ort bot no rich iina di sitn dem we Gad kier bout.”

Luuk 12:32

“So, unu we a fala mi, no bada fried. Unu Faada api fi gi unu im kindom.

Luuk 16:22

“Di bega ded an di ienjel dem kyari im tu Iebriyam said. Di rich man ded tu an get beri.

Luuk 16:25

“Iebriyam ansa im an se, ‘Pikni, wen yu did alaiv, a bier gud sitn yu get, an a bier bad sitn riich Lazaros, nou im api an a liv aarait an yu a sofa.

Luuk 22:29

An nou mi a mek unu king, jos laik ou fi mi Faada mek mi king,

Luuk 6:20

Jiizas luk pan im falara dem an tel dem se, “Aal a unu we puor, Gad bles unu kaaz di kindom a fu'unu uon.

Jan 7:48

Non a di Juu ruula ar Farisii dem biliiv iina im, iihn?

Aks 7:2

Stiivn ansa an se, “Aal a unu we a mi breda an mi faada, lisn we mi a se! Di Gad we av im brait brait lait a shain roun im, shuo imself tu wi faada Iebriyam wen Iebriyam did stil a liv iina Mesopotiemiya. Dat a did bifuo im muuv go liv a Ieran.

Ruoman 8:17

So sins wi a Gad pikni, wi a-go get aal a di sitn dem we Gad pudong fi bles im piipl wid. An no jos dat, aal a we Gad pudong fi Krais Jiizas, im a-go shier it wid wi. Kaaz ef wi sofa laik ou Krais Jiizas did sofa, wi no wi get big op laik im an get aal a di nais sitn dem we im a-go get tu.

1 Korintiyan 2:9

Bot it rait dong se: “No yai no si, no iez no ier, aal a di sitn dem we Gad pudong fi di piipl we lov im. Nobadi kudn iivn tingk dem op.”

2 Korintiyan 4:15

Aal di sofa wi a sofa, a fi unu. Wi a du it fi elp unu so dat muor an muor piipl wi biliiv iina Jiizas an get siev. An dat wi kaaz nof muor piipl fi staat prie an gi Gad tangks an big im op fi aal we im du.

2 Korintiyan 6:10

Wi aalwiez api iivn wen wi a sofa. An iivn duo wi puor wi a mek nof piipl rich. Mi no miin se wi elp dem mek moni, dem rich kaaz dem biliiv iina Gad an siek-a wa im a go gi dem wen dem biliiv. A siem so wid wi, it komiin laik se wi naa notn bot wi riili av evriting kaaz wi biliiv iina Gad.

2 Korintiyan 8:9

Kaaz unu nuo ou wi Laad Jiizas Krais shuo wi lov iivn duo wi no dizorv it. Im did rich bot im gi op evriting an mek imself puor so dat unu we puor kuda get rich.

Ifiijan 1:18

Mi prie se Gad wi uopm unu main, so unu kyan andastan di sitn dem we im kaal wi fi tek paat iina. An mi prie se unu wi andastan se di sitn dem we Gad pramis fi gi im piipl dem big an nof.

Ifiijan 3:8

Iivn duo mi no impuotant laik di res a Gad piipl dem, Gad shuo mi lov iivn duo mi no dizorv it an pik mi fi priich tu di piipl dem we a no Juu an fi tel dem bout di nais sitn dem we Krais Jiizas gi im piipl. Dem sitn de so big dat nobadi kyaahn figa dem out.

1 Tesaluoniyan 2:12

Wi gi unu gud wod, wi gi unu chrent an wi kip aan a beg unu fi liv laik Gad piipl. Kaaz a im kaal unu iina fi im kindom an kaal unu fi kom nuo ou big an powaful im bi.

2 Tesaluoniyan 1:5

Aal a dem sitn ya shuo plien plien se Gad joj piipl ou dem fi get joj, kaaz im a get unu redi fi im kindom we unu a sofa fa.

1 Timoti 6:18

Tel dem fi du nof gud sitn — a dat dem fi rich wid, an tel dem se dem mos gi tu ada piipl an shier wa dem av.

2 Timoti 4:18

Di Laad naa go mek no wikid sitn ort mi. Im a-go kip mi sief an kyari mi go a im uom iina evn. Priez im fi eva an eva! Iemen!

2 Timoti 4:8

Di Laad we aalwiez fier tu evribadi wen im a joj dem, a-go gi mi wan kroun fi aal a di wok we mi du. Im a-go gi mi it wen im kom bak fi joj di worl. An a no mi wan a-go get kroun, im a-go gi evribadi we did a lang fi im kom bak.

Iibruu 11:26

Im did fiil se di sofarieshan we di wan we Gad sen fi siev piipl go chuu, wot muo dan aal a di rich sitn dem we de a Iijip. Im did fiil so, kaaz im yai did de pan di blesn dem we im did a-go get.

Jiemz 1:12

Ef unu uol aan chrang an no gi op wen unu a go chuu chraiyal an kraasiz we kom fi tes unu, unu a-go wel api. Kaaz wen unu tes don, Gad gweehn gi unu di kroun a laif we im pramis fi gi evribadi we lov im.

Jiemz 1:16

Mi breda an sista, no fuul unuself.

Jiemz 1:19

Mi breda an sista, ier wa mi a se, unu mos kwik fi ier an sluo fi taak ar get beks.

Jiemz 1:9

Gad piipl dem we puor mos buos bout ou Gad lif dem op an put dem pan tap.

1 Piita 1:4

Siek-a dat, wi kyan luk fi get aal a wa Gad a kip sief iina evn fi im piipl dem. Dem sitn de kyaahn ded. Dem naa go pwail ar doti op. An dem kyaahn jrai op an disapier niida.

2 Piita 1:11

Da wie ya, Gad wi uopm op waid waid tu unu di duor fi di kindom a wi Laad an Sieviya Jiizas Krais — di kindom we a-go laas fi eva an eva. An im a-go gi unu aal rait fi go iin de.

Revilieshan 2:9

Mi nuo bout aal a unu sofarieshan an ou unu puor — bot unu riili rich. An di piipl dem we se dem a Juu bot dem a no Juu, mi nuo ou dem a tel aal saat a lai an a chat bad bout unu. Dem a wan gruup a piipl we bilang tu Sietan.

Revilieshan 21:7

Enibadi we biit di devl an no gi iin tu di sitn dem we im waahn dem fi du, gweehn get aal dem nais sitn ya. An mi a-go bi fi dem Gad an dem a-go bi fi mi pikni.

Revilieshan 3:18

Dis a wa mi tingk unu shuda du, bai guol fram mi, guol we bon iina faiya fi get out aal wa no fi iina it. Ef unu bai da guol de, unu wuda riili get rich. Bai wait kluoz fram mi so unu kyan kova op unuself. Da wie de unu na'afi shiem kaaz unu na'av aan no kluoz. An bai yai jrap fram mi tu fi jrap iina unu yai dem so unu kyan si.