Jiemz 2:21 - Di Jamiekan Nyuu Testiment

²¹ Aarait, unu memba ou Gad did tes an pruuv se faada Iebriyam did riili biliiv iina im? Iebriyam did put im bwai pikni Aizak pan di alta fi kil im an bon sakrifais gi Gad.

Jiemz 2:21 ပူးပေါင်းရင်းမြစ်များ

Matyu 12:37

Kaaz a di wod we yu se wi mek yu rait wid Gad, an a di wod we yu se wi mek Gad rait yu aaf.”

Matyu 3:9

An no bada se dis an tingk se unu sief: ‘A Iebriyam a wi faada.’ Mek mi tel unu sopm, Gad kyan mek pikni fi Iebriyam outa dem rakstuon ya ef im waahn!

Luuk 1:73

Di pramis im mek tu wi faada Iebriyam,

Luuk 16:24

So im kaal out, ‘Faada Iebriyam, elp mi, sen Lazaros kom dip di tip a im fingga iina waata fi kuul mi tong. Mi a sofa bad bad iina dis ya faiya ya.’

Luuk 16:30

“ ‘Nuo, faada Iebriyam,’ im se, ‘bot ef sumadi we ded go taak tu dem, dem wi sari fi di rang we dem du an ton tu Gad.’

Jan 8:39

“Iebriyam a fi wi faada,” dem se tu Jiizas. “Ef unu did a Iebriyam pikni,” Jiizas se, “den unu wuda du wa Iebriyam du.

Jan 8:53

Yu no biga dan wi faada Iebriyam we ded? Di prafit dem ded tu. A uu yu se yu bi?”

Aks 7:2

Stiivn ansa an se, “Aal a unu we a mi breda an mi faada, lisn we mi a se! Di Gad we av im brait brait lait a shain roun im, shuo imself tu wi faada Iebriyam wen Iebriyam did stil a liv iina Mesopotiemiya. Dat a did bifuo im muuv go liv a Ieran.

Ruoman 3:20

Evribadi a-go get ponish, kaaz Gad naa go mek tingz rait bitwiin yu an im jos chuu yu a fala di Laa. Di Laa kyaahn du dat, wa di Laa du a mek wi nuo se wi a sina.

Ruoman 4:1

So aal a wi we a Juu, wa wi kyan se den bout wi faada Iebriyam? A wa did apm wid im?

Ruoman 4:12

An a no jos dem piipl de im a faada fa, Iebriyam a faada tu fi di piipl dem we sorkomsaiz an we biliiv iina Gad laik ou Iebriyam did biliiv iina Gad bifuo im get sorkomsaiz.

Ruoman 4:16

A dat mek Gad neva mek im pramis bies pan weda piipl fala ar no fala di Laa, bot bies pan weda dem chos ar no chos iina im. Gad mek it da wie de so dat piipl wuda nuo se di sitn dem we im pramis a fi im frii gif tu aal a Iebriyam pikni dem. No jos di pikni dem we a fala di Laa bot tu di wan dem we biliiv laik Iebriyam tu. Iebriyam a di faada fi evribadi.

Iibruu 11:17

Kaaz Iebriyam did chos iina Gad wen Gad did tes im, im did redi fi sakrifais Aizak gi im. Im did get di pramis we Gad did mek wid im, an im did stil redi fi gi op im wan dege-dege bwai.

Jiemz 2:18

Bot sumadi wi se, “Wan sumadi biliiv iina Jiizas, an wan neks sumadi du gud wok.” Bot mi wuda ansa im se, “Aarait den, shuo mi ou nobadi kyan biliiv iina Jiizas an no du gud wok, an mi wi shuo yu se mi biliiv iina Jiizas an a dat mek mi du di gud sitn dem we mi du.”

Jiemz 2:24

So unu si se Gad wi se sumadi a liv rait, no jos chuu dem se dem biliiv iina im, bot kaaz dem du wa im se dem fi du.