Jiemz 2:12 - Di Jamiekan Nyuu Testiment

¹² Wi mos taak an gwaan laik piipl we di Laa a-go joj. An a di sed Laa a-go set wi frii,

Jiemz 2:12 ပူးပေါင်းရင်းမြစ်များ

Luuk 4:18

“Di Spirit a di Laad de pan mi, kaaz im pik mi out fi kyari gud nyuuz go gi puo piipl. Im sen mi fi mek di prizna dem nuo se dem a-go frii, fi mek blain piipl nuo se dem a-go si agen, fi mek piipl we a sofa nuo se dem naa go sofa fi eva.

Jan 8:32

Unu gweehn nuo di chuut, an di chuut gweehn frii unu.”

Gyalieshan 6:2

Wen sumadi av prablem, unu fi elp dem. Unu fi elp unu wan aneda. Kaaz wen unu du dat unu a du we Krais Jiizas se unu mos du.

Filipiyan 4:8

Mi breda an sista, wan muor ting mi waahn se tu unu. Unu si eniting we chuu, eniting we unu kyan rispek, eniting we rait, eniting we gud an kliin, eniting we piipl kyan luk pan an fiil gud bout, eniting we piipl kyan taak gud bout, eniting we fit fi get big op — a dem sitn de unu fi set unu aat an main pan aal di taim.

Koloshan 3:17

An no mata wa unu du: no mata wa unu se ar du, unu fi memba se unu a di Laad Jiizas falara, so du wa unu du laik sumadi we a fala im. Wen unu a du dat, unu wi a gi Faada Gad tangks. An unu wi kyan gi im tangks, siek-a wa Krais Jiizas du fi unu.

Jiemz 1:25

Bot ef nobadi tek a gud luk iina di Laa we rait iina evri wie, an wa set piipl frii, ef im gwaan du wa it se an no figet it — a im a-go get bles.

Jiemz 2:8

A gud sitn ef unu fala di Laa we aiya dan eni ada laa, an we rait dong iina Gad wod se, “Unu fi lov unu nieba siem laik ou unu lov unuself.”