Jiemz 1:9 - Di Jamiekan Nyuu Testiment

⁹ Gad piipl dem we puor mos buos bout ou Gad lif dem op an put dem pan tap.

Jiemz 1:9 ပူးပေါင်းရင်းမြစ်များ

2 Korintiyan 6:10

Wi aalwiez api iivn wen wi a sofa. An iivn duo wi puor wi a mek nof piipl rich. Mi no miin se wi elp dem mek moni, dem rich kaaz dem biliiv iina Gad an siek-a wa im a go gi dem wen dem biliiv. A siem so wid wi, it komiin laik se wi naa notn bot wi riili av evriting kaaz wi biliiv iina Gad.

Revilieshan 2:9

Mi nuo bout aal a unu sofarieshan an ou unu puor — bot unu riili rich. An di piipl dem we se dem a Juu bot dem a no Juu, mi nuo ou dem a tel aal saat a lai an a chat bad bout unu. Dem a wan gruup a piipl we bilang tu Sietan.

Luuk 1:52

Gad aal dong ruula aafa dem ai chuon an lif op piipl we nobadi neva tingk se mata.

Filipiyan 3:14

Mi a push aad fi go chuu an finish di ries an fi get di sitn dem we Gad pudong iina evn fi mi, kaaz a dat Gad kaal mi fi chos Krais Jiizas fa.

Filipiyan 3:3

Bot a wi a di piipl we riili get sorkomsaiz — no dem. Wi a di wan we worship Gad iina di Spirit, priez Krais Jiizas, an no buos aaf bout uu wi bi.

Ruoman 8:17

So sins wi a Gad pikni, wi a-go get aal a di sitn dem we Gad pudong fi bles im piipl wid. An no jos dat, aal a we Gad pudong fi Krais Jiizas, im a-go shier it wid wi. Kaaz ef wi sofa laik ou Krais Jiizas did sofa, wi no wi get big op laik im an get aal a di nais sitn dem we im a-go get tu.

Luuk 10:20

No bada glad se diiman du we unu tel dem fi du. Wa unu fi glad bout a se unu niem rait dong iina evn.”

Luuk 9:48

Jiizas se tu dem se, “Enibadi we welkom da likl pikni ya, kaa im chos iina mi, welkom mi tu. An enibadi we tek mi iin, tek iin di wan we sen mi tu. Di wan mongks unu we de a di batam, a im av di tap a tap pozishan.”

1 Piita 2:9

Bot unu a wan set a piipl we Gad pik. Unu a di king priis — an Gad a di king. Unu a wan speshal piipl we Gad tek fi kom ton fi im uona piipl dem. Im pik unu so unu kyan tel ada piipl ou big im bi an ou gud im bi. Kaaz a im sed wan tek unu outa daaknis an kom put unu iina im brait brait lait.

Luuk 14:11

Evribadi we put demself uova ada piipl, wi get pudong, bot ef yu ombl yuself, yu wi get big op.”