Jiemz 1:22 - Di Jamiekan Nyuu Testiment

²² Unu no fi onggl ier Gad mesij — unu fi du wa it se! Ef unu onggl a lisn an naa du wa Gad se, unu onggl a fuul unuself.

Jiemz 1:22 ပူးပေါင်းရင်းမြစ်များ

Matyu 12:50

Kaaz enibadi we du wa mi Faada iina evn waahn dem fi du, a dem a mi breda, sista an mada.”

Matyu 28:20

Gwaan go tiich dem fi lisn an fala aal a di ruul dem we mi gu'unu. An memba, mi no lef unu non at aal, mi de wich paat unu de til taim don.”

Luuk 11:28

Jiizas ansa ar an se, “Di piipl dem we ier Gad wod an du we it se, a dem riili bles.”

Jan 13:17

Ef unu andastan an du dem sopm ya wa mi a se, Gad a-go bles unu.

Ruoman 2:13

Kaaz Gad mek tingz rait bitwiin im an di piipl we ier di Laa an fala aal we it se, no wid di piipl dem we jos ier it bot naa fala it.

1 Korintiyan 15:33

No mek dem fuul unu, “Ef yu kip fren wid wikid piipl, dem wi kaaz yu fi ton we fram we yu nuo rait, an mek yu du wikid sitn tu.”

1 Korintiyan 3:18

No bada fuul unuself. Ef unu tingk unu waiz jos chuu di piipl we no biliiv iina Gad se so, mi a tel unu a beta unu ton fuul so dat unu kyan riili get waiz.

1 Korintiyan 6:9

Unu no nuo se di wikid naa go av no paat iina Gad kindom? No bada fuul unuself! Di piipl dem we tek paat iina aal kain-a seks sin an we worship faalz gad naa go tek paat iina Gad kindom. Piipl we sliip wid piipl dem no marid tu, piipl we sel dem badi fi moni, man we sliip wid man an uman we sliip wid uman, dem naa go si Gad kindom at aal.

Gyalieshan 6:3

Kaaz ef sumadi tingk se dem big an impuotant bot dem a nobadi, dem onggl a fuul demself.

Gyalieshan 6:7

No fuul unuself: Unu kyaahn tek Gad mek preke. Eniting we unu plaant a dat unu a-go riip.

Filipiyan 4:8

Mi breda an sista, wan muor ting mi waahn se tu unu. Unu si eniting we chuu, eniting we unu kyan rispek, eniting we rait, eniting we gud an kliin, eniting we piipl kyan luk pan an fiil gud bout, eniting we piipl kyan taak gud bout, eniting we fit fi get big op — a dem sitn de unu fi set unu aat an main pan aal di taim.

Koloshan 3:17

An no mata wa unu du: no mata wa unu se ar du, unu fi memba se unu a di Laad Jiizas falara, so du wa unu du laik sumadi we a fala im. Wen unu a du dat, unu wi a gi Faada Gad tangks. An unu wi kyan gi im tangks, siek-a wa Krais Jiizas du fi unu.

2 Timoti 3:13

Bot di wikid piipl dem an di fraad dem a-go get fram bad tu wos. Dem a-go gwaan chrik piipl an lou demself fi get chrik tu.

Taitos 3:3

Kaaz wan taim wi yuus tu fuul-fuul tu, wi neva waahn fala notn we nobadi se an wi a did sliev tu aal a di wikid sitn dem we wi waahn. Evridie wi beks wid wi wan aneda an wi eva waahn wa sumadi els av. Aal wi du a iet: wi iet evribadi an evribadi iet wi.

Jiemz 1:26

Ef nobadi tingk se im a sorv Gad di rait wie, bot im kyaahn kanchuol im tong, im jos a fuul imself, an we im se im a du fi Gad no wot notn.

Jiemz 4:11

Mi breda an sista, no taak bad sitn buot wan aneda! Ef unu du dat ar joj piipl an gwaan laik se Gad kyaahn paadn dem, unu a se Gad Laa no gud. An ef unu se di Laa no gud unu a gwaan laik se a unu a joj uova di Laa.

Jiemz 4:17

So enibadi we nuo di rait sitn we dem fi du an no du it, a sin dem a sin.

2 Piita 2:13

An fi aal a di bad sitn dem we dem du, som bad sitn a-go riich dem. Wa dem kaal fon, a fi du eniting we dem badi waahn, an dem a du dem sitn de iina braad die lait tu! Dem a piis a shiem an disgries, an a shiem an disgries dem a-go bring dong pan unu wen dem kom fi iit fuud wid unu an a galang dem siem kain-a wie de.

1 Jan 1:8

Ef wi taak se wi neva sin wi onggl a fuul wiself an no chuut no iina wi.

1 Jan 2:3

Wen wi du we Gad se wi fi du, a so wi nuo se wi riili riili nuo Gad.

1 Jan 3:7

Mi pikni, no mek nobadi fuul unu op. Enibadi wa du wa rait a dem gud iina Gad yai, jos laik ou Jiizas gud iina Gad yai.

3 Jan 1:11

Mi breda, no fala bad kompni. Enibadi we du wa rait kom fram Gad. Enibadi we lov du we rang no nuo Gad.

Revilieshan 12:9

Di powaful jragan — di uol siniek we did de bout fram wie bak wen, we dem kaal di devl, ar sietan, we chrik di uol worl fi sin gens Gad, im an im ienjel dem get fling dong a ort.

Revilieshan 22:7

Jiizas se, “Lisn, aal a unu, mi suun kom! Unu si enibadi we du aal we rait dong iina da buk ya bout wa a-go apm nou an wa a-go apm lieta, a dem wel api.”