Jiemz 1:19 - Di Jamiekan Nyuu Testiment

¹⁹ Mi breda an sista, ier wa mi a se, unu mos kwik fi ier an sluo fi taak ar get beks.

Jiemz 1:19 ပူးပေါင်းရင်းမြစ်များ

Matyu 5:22

Bot ier wa mi a se, jos beks wid unu breda ar unu sista, an unu afi go a kuot, an di joj a-go se unu gilti an rait unu aaf! An enibadi we shiem dem breda ar sista an tel dem ou dem woklis an dem sitn de, unu a-go afi go a di tap-a-tap joj dem, an enibadi we kaal dem breda ar sista wan woklis gud fi notn fuul — el faiya a-go riich dem.

Maak 12:37

Ef Dievid kaal im ‘Laad’, ou di Man We Gad sen fi siev piipl fi bi Dievid bwai pikni?” An di big kroud a piipl did api a lisn wa im se.

Maak 2:2

So piipl staat fi gyada op a im ous an di plies did ram op so til yu kudn fain no we fi tan op, no iivn a di duor. An Jiizas priich Gad wod tu dem.

Luuk 15:1

Di taks kalekta an di sina dem gyada roun fi ier wa Jiizas av fi se.

Luuk 19:48

Bot dem kudn fain no wie fi du it, kaaz evribadi did a lisn evri wod we Jiizas se.

Aks 1:15

Iina dem die de, wen di biliiva dem gyada op fi wan a dem miitn, (bout onjrid an twenti a dem did de de), Piita tan op

Aks 10:33

So mi sen fi yu siem taim, an mi riili api se yu nais inof fi kom. Gad de ya wid wi an aal a wi wel waahn fi ier evriting we Gad tel yu fi tel wi.”

Aks 13:48

Wen di piipl we a no Juu ier dis, dem api so til. Dem gi tangks an priez fi Gad mesij. An aal a di wan dem we Gad did pik fi liv fi eva, biliiv di mesij an get siev.

Aks 17:11

Di Juu dem we de a Tesalonaika did lak op dem main gens Gad mesij. Bot di wan dem we de a Beriya, dem lisn gud kaaz dem did wel waahn ier di mesij. So evridie dem luk aad aad iina Gad wod fi si ef wa Paal did a se mach op wid wa rait dong iina Gad wod.

Aks 2:42

Di piipl dem we biliiv Piita mesij spen di uol a dem taim a lorn fram di apasl dem, shier wa dem av wid wan aneda, iit tugeda an prie tu Gad tugeda.

Ifiijan 4:26

Ef unu get beks bout sopm, no mek dat kaaz unu fi sin. An no mek di die don an unu stil beks wid wan aneda.

Ifiijan 4:31

Tap kyari beli fi unu wan aneda, an beks op beks op an a get mad wid unu wan aneda — tap it. Tap kos out an tier dong unu wan aneda an unu no fi wikid tu unu wan aneda niida.

Koloshan 3:15

Krais Jiizas gi unu piis. So mek di piis we im gi unu tek kanchuol a unu aat. Im kaal unu fi kom liv iina piis wid unu wan aneda laik ou a di uol a unu kom tugeda an mek op di wan badi. An gi Gad tangks tu.

Koloshan 3:8

Bot nou, unu fi get rid a aal a dem sitn ya: no get beks an get so mad dat unu kyaahn iivn kanchuol unuself. No kip malis niida, an no chat bad bout piipl an tier dem dong. An no mek no doti wod kom outa unu mout niida.

1 Tesaluoniyan 2:13

An siek-a dis wi gi Gad tangks aal di wail. Kaaz wen unu tek iin Gad wod we unu did ier fram wi, unu neehn tek it laik a wod we kom fram man, bot unu tek it fi wa it bi fi chuu — Gad wod, we a wok iina aal a unu we biliiv.

Jiemz 1:16

Mi breda an sista, no fuul unuself.

Jiemz 1:2

Mi breda an sista, unu fi wel api wen chobl an kraasiz tek unu.

Jiemz 1:26

Ef nobadi tingk se im a sorv Gad di rait wie, bot im kyaahn kanchuol im tong, im jos a fuul imself, an we im se im a du fi Gad no wot notn.

Jiemz 2:1

Mi breda an sista, sins unu se unu chos iina wi powaful Laad Jiizas Krais, unu kyaahn chriit som piipl beta dan som.

Jiemz 2:5

Mi breda an sista, ier wa mi a se. No Gad pik di puo piipl iina di worl fi bles dem kaaz dem biliiv iina im? Im pik dem fi tek paat iina im kindom wa im pramis fi gi aal uu lov im.

Jiemz 3:10

Di mout we wi a yuuz fi priez Gad a di siem mout wi a yuuz fi kos out piipl. Mi breda an sista, notn kyaahn go so.

Jiemz 4:11

Mi breda an sista, no taak bad sitn buot wan aneda! Ef unu du dat ar joj piipl an gwaan laik se Gad kyaahn paadn dem, unu a se Gad Laa no gud. An ef unu se di Laa no gud unu a gwaan laik se a unu a joj uova di Laa.

Jiemz 5:12

Bot mi breda an sista, ef unu no memba notn els, memba dis, no swier non at aal. No swier an kaal pan evn, ar no swier an kaal pan ort, ar no swier an kaal pan notn at aal. Jos mek shuor se wen unu se “yes,” unu miin yes, an wen unu se “no,” a no unu miin. Da wie de unu wi no kaal dong Gad jojment pan unuself.

Jiemz 5:19

Mi breda an sista, ef nobadi mongks unu chrie fram Gad chuu mesij an wan a unu elp im kom bak,

1 Jan 2:21

Mi neva did rait tu unu kaaz unu neehn nuo di chuut, bot kaaz unu nuo it aredi, an no lai kyaahn kom fram di chuut.