Jiemz 1:18 - Di Jamiekan Nyuu Testiment

¹⁸ Gad mek op im main fi gi wi nyuu laif, so im sen wi di chuu mesij, so wi kuda komiin laik di fos set a fuud fram di fiil fi im.

Jiemz 1:18 ပူးပေါင်းရင်းမြစ်များ

Jan 1:13

Bot dem no baan iina Gad fambili laka ou naamal pikni baan wid mada an faada, ar kaaz sumadi did fiil fi av seks, ar kaaz wan ozban mek op im main se im waahn pikni. Nuo! A Gad imself mek dem baan.

Ruoman 4:17

It aal rait dong iina Gad wod dat Gad tel Iebriyam se, “Mi a-go mek yu di faada fi nof difrant piipl fram aal uova di worl.” Da pramis ya, gud, siek-a uu Gad bi. Dis a di Gad we Iebriyam did biliiv iina, di Gad we mek ded piipl kom bak alaiv an we kaaz evriting fi de bout, aal di sitn dem we neva de bout bifuo.

1 Korintiyan 4:15

Kaaz iivn duo unu mait-a av ten touzn tiicha fi elp unu liv ou Gad waahn unu fi liv, a no aal a dem a-go komiin laik wan faada tu unu. Bot mi a unu faada kaaz a mi fos bring di Gud Nyuuz kom gi unu an elp unu fi biliiv.

2 Korintiyan 6:7

Wi onggl tiich di chuut an Gad powa a wok iina wi. An siem laik ou suoja yuuz di wepan iina dem lef an fi protek demself an di wan iina dem rait an fi fait di piipl dem we a kom gens dem a siem so di gud we wi du wi fait an protek wi fram evriting we wuda kom gens wi.

Ifiijan 1:12

Im pik wi, so dat wi, we a did di fos wan dem fi chos iina Krais Jiizas, wuda kaaz piipl fi priez Gad, wen dem si ou im big an powaful.

Ifiijan 1:13

An wen unu did ier Gad wod — di chuu mesij we siev unu — wen unu biliiv iina Krais Jiizas, Gad gi unu im Uoli Spirit we im did pramis, fi shuo se unu a fi im.

2 Timoti 2:15

Chrai aad an du yu wok di wie Gad waahn yu fi du it. Mek shuor yu du yu wok gud an onggl tiich di chuut. Ef yu du dis, yu naa go av notn fi shiem bout an Gad wi api wid yu.

Iibruu 12:23

Unu kom wich paat di fos set a pikni we a fala Krais Jiizas gyada op. Fi dem niem don rait dong iina evn aredi. Unu kom tu Gad tu, we joj evribadi. An unu kom tu dem piipl de we du rait iina Gad yai. Gad don mek dem rait iina evri wie.

Jiemz 1:15

Afta dem don plan, di wikid sitn dem tek kanchuol a dem an mek dem sin. An wen sin don wid dem, it kil dem.

Jiemz 1:21

So unu fi get rid a aal a di naasi an torbl sitn dem we so nof bout di plies. Ombl unuself an tek iin di mesij we Gad put iina unu aat we kyan siev unu laif.

Jiemz 3:14

Bot ef unu aat bita, an unu bad main an onggl a fait fi av unu uona wie, no bada buos bout unuself an ton we fram di chuut, kaaz wen unu du dat unu a mek di chuut luk laik se a lai.

1 Piita 1:23

Unu fi du dis, kaaz nou, unu no jos baan fram unu mada an faada we kyan ded, bot da taim ya unu baan fram Gad — an da siid ya kyaahn ded. Unu baan fram Gad siek-a im wod we alaiv fi chuu, an we a-go liv fi eva an eva.

1 Piita 1:3

Tangks an priez tu di Gad an Faada a wi Laad Jiizas Krais. Im so gud an kain tu wi, im gi wi nyuu laif wen im mek Jiizas Krais ded an kom bak alaiv. Da wie de, wi nuo fi shuor se wi kyan get wa im pramis wi.

1 Jan 3:9

Nobadi we a Gad pikni kyaahn jos a sin a galang so, kaaz Gad laif de iina dem. Dem kyaahn jos gwaan iina sin so, kaaz dem a Gad pikni.

Revilieshan 14:4

Dem man ya neva sliip wid no uman — dem neva av seks. Dem fala did Biebi Shiip evriwe im go. Dem did get siev fram mongks di piipl dem we de pan di ort, so dem bilang tu Gad an di Biebi Shiip. Dem komiin laik di fos paat a di sitn we sumadi gi Gad fram dem faam.