Jiemz 1:17 - Di Jamiekan Nyuu Testiment

¹⁷ Evri gud sitn — di sitn dem we no av notn bad bout dem — kom fram Faada Gad we mek aal a di lait dem we iina di skai. Bot im no tan laik di lait dem we im mek. Dem eva a chienj, bot im no chienj op chienj op.

Jiemz 1:17 ပူးပေါင်းရင်းမြစ်များ

Jan 3:27

Bot Jan se tu dem se, “Sumadi kyan onggl av wa Gad gi dem.

Matyu 7:11

Ef unu so wikid an stil nuo ou fi gi unu pikni nais sitn, unu no tingk se unu Faada we iina evn wi gi beta sitn tu di piipl dem we aks im fi sopm!

Iibruu 13:8

Jiizas Krais no chienj — siem wie ou im tan yeside, a so im tan tide an a siem so im a-go tan fi eva an eva.

Jan 8:12

Jiizas staat taak tu di piipl dem agen an se, “Mi a di wan we lait op di worl. Enibadi we fala mi naa go waak iina di daak, bot dem a-go av di lait we gi piipl laif.”

1 Jan 1:5

Wi a tel unu di siem mesij we wi ier fram Jiizas Krais. Im tel wi se Gad eva du wa rait kaaz Gad a lait. Gad kyaahn du notn rang kaaz notn no iina im we kuda mek im du rang. Dat miin se no daaknis no iina im.

Jiemz 3:17

Bot unu si di piipl dem we Gad mek waiz, fos ting bout dem, dem aat kliin, dem a no waar-buot, dem kier bout ada piipl, an dem no aad-iez. Dem kwik fi paadn piipl we du dem rang, an dem aalwiez du we rait. Dem no paashal an dem a no ipokrit niida.

Ifiijan 2:8

Gad siev unu kaaz im lov unu iivn duo wi no dizorv it, an kaaz unu chos iina im. A no siek-a notn we unu du mek im siev unu. Di nyuu laif we Gad gi unu a wan prezent.

Luuk 11:13

Ef unu so wikid an stil nuo ou fi gi unu pikni nais sitn, unu no tingk se unu Faada op iina evn wi iivn muo dan redi fi gi di Uoli Spirit tu enibadi we aks im!”

1 Korintiyan 4:7

Kaaz a uu mek unu beta dan enibadi els? Wa unu av we a no get unu get it? An ef a get unu get it, mek unu a buos laik se a no get unu did get it?

1 Jan 4:10

Riil lov a no ou wi lov Gad, bot a ou Gad lov wi an ou im sen im wan dege-dege Bwai Pikni kom ded fi wi sin dem.

Ifiijan 1:18

Mi prie se Gad wi uopm unu main, so unu kyan andastan di sitn dem we im kaal wi fi tek paat iina. An mi prie se unu wi andastan se di sitn dem we Gad pramis fi gi im piipl dem big an nof.

Jan 1:9

Da lait de a di riil lait an im kom iina di worl an mek evribadi nuo im.

Revilieshan 21:23

Di siti no niid di son ar di muun fi lait it op, kaaz Gad brait brait lait, lait it op, an di Biebi Shiip a di lamp fi di siti.

2 Korintiyan 4:6

Di Gad we se, “Mek di lait shain iina di daak,” a im siem wan mek im lait shain iina wi aat so dat wi kyan andastan umoch im lov wi an ou powaful im bi. An wi onggl get fi andastan dem sitn de wen wi biliiv iina Krais Jiizas.

Revilieshan 22:5

No muo nait naa go kom iina di siti, so Gad piipl dem naa go niid no lamp lait ar no son lait, kaaz di Laad Gad brait brait lait a-go lait op di siti. An Gad piipl a-go ruul fi eva an eva.

Jiemz 1:5

Ef sumadi no waiz, aal dem afi du a aks Gad an im wi mek dem waiz, kaaz Gad naa go uol bak notn fram dem. Im wi gi dem wa dem aks fa so dem wi nuo se im lov dem.

Ruoman 6:23

So aal sin du a kaaz piipl fi ded. So ef sin a yu maasta dat a aal yu a-go get. Bot wa Gad gi wi, im gi wi fi frii — a wan gif. Wen wi biliiv iina wi Laad Jiizas Krais, wen wi an im ton wan, Gad mek wi liv fi eva an eva.

Jiemz 3:15

Wa dem de piipl de kaal waiz no kom fram evn. Wa dem kaal waiz kom fram di worl, an no av notn fi du wid di Spirit — it kom fram di devl.

Filipiyan 1:29

Kaaz Gad so gud tu unu, im gi unu di chaans, no onggl fi biliiv iina Jiizas Krais bot fi sofa fi im tu.

Aks 11:18

Wen dem ier aal we Piita se dem tap aagyu wid im. Insted-a dat dem staat priez Gad an se, “So den Gad gi di piipl we a no Juu di chaans fi ton we fram dem sin an get siev so dem kyan liv fi eva an eva.”

Aks 5:31

Gad big op Jiizas an put im fi sidong a im rait an. Im mek Jiizas wan liida an di wan we a-go siev piipl so dat di Izrel piipl wuda get di chaans fi ton we fram dem sin, shuo se dem sari, an get dem sin paadn.

Jan 3:3

So, Jiizas se tu im se, “Fi chuu chuu, mi a tel yu se nobadi kyaahn tek paat iina Gad kindom ef dem no baan agen.”

1 Timoti 6:16

A Gad wan kyan liv fi eva an no ded. Im liv iina wan brait brait lait, it so brait no man kyaahn luk pan im ar kom nier im. A dat mek nobadi neva si im ar kyan si im. Ana an powa tu Gad fi eva! Iemen!