Jiemz 1:16 - Di Jamiekan Nyuu Testiment

¹⁶ Mi breda an sista, no fuul unuself.

Jiemz 1:16 ပူးပေါင်းရင်းမြစ်များ

Matyu 22:29

So Jiizas se tu dem se, “Unu a se ded piipl naa kom bak alaiv — bwai unu rang, kaa unu no nuo we Gad wod se, an unu no nuo Gad powa.

Maak 12:24

Jiizas ansa dem se, “Unu nuo se unu wel rang? An unu nuo wai? Kaaz unu no nuo we Gad wod se, an unu no nuo Gad powa.

Maak 12:27

Im a no Gad fi di ded, bot fi uu a liv. So unu wel rang.”

Aks 1:15

Iina dem die de, wen di biliiva dem gyada op fi wan a dem miitn, (bout onjrid an twenti a dem did de de), Piita tan op

1 Korintiyan 6:9

Unu no nuo se di wikid naa go av no paat iina Gad kindom? No bada fuul unuself! Di piipl dem we tek paat iina aal kain-a seks sin an we worship faalz gad naa go tek paat iina Gad kindom. Piipl we sliip wid piipl dem no marid tu, piipl we sel dem badi fi moni, man we sliip wid man an uman we sliip wid uman, dem naa go si Gad kindom at aal.

Gyalieshan 6:7

No fuul unuself: Unu kyaahn tek Gad mek preke. Eniting we unu plaant a dat unu a-go riip.

Filipiyan 2:12

So mi gud fren, unu si siem laik ou unu aalwiez du we Gad waahn unu fi du, no onggl wen mi de de wid unu bot wos laik ou mi no de de, gwaan du di sitn dem we wi mek piipl si se Gad siev unu an unu av nof rispek fi im iina evriting we unu a du.

Filipiyan 4:1

Mi breda an sista, mi lov unu, an mi mis an lang fi si unu so til. Unu mek mi api, an mi kyan riili buos bout unu, kaaz unu komiin laik wan kroun we mi get fi mi aad wok. So mi waahn unu fi tan op chrang iina wa unu biliiv bout di Laad.

Koloshan 2:4

Mi tel unu dis so nobadi kyaahn kom fuul unu op tu ou dem taak, an mek unu go chrie. Wa dem se mait-a soun laik dem mek sens bot a pie lai.

Koloshan 2:8

Wach unuself! No mek nobadi chrap unu wid aagiment we onggl soun laik se dem mek sens, bot we no riili mek no sens at aal. Nuo! No mek dem tek unu ton no sliev. Dem aagiment de dis a taak bout ou piipl tingk bout sortn tingz, an bout wa faada tiich dem pikni, an we dem pikni de kom tiich fi dem pikni. Dem sitn de jos diil wid ou piipl luk pan di worl, an a jos taak bout powaful spirit we iina di worl. Dem no av notn fi du wid di chuu mesij bout Krais Jiizas.

2 Timoti 2:18

Dem a tiich sopm we faar fram di chuut. Dem a se ou Gad piipl ded an kom bak aredi, an a kaaz som piipl fi tap biliiv iina Jiizas Krais.

Iibruu 13:1

Unu mos gwaan lov di breda an sista dem we biliiv iina Gad jos laik unu.

Jiemz 1:19

Mi breda an sista, ier wa mi a se, unu mos kwik fi ier an sluo fi taak ar get beks.

Jiemz 1:2

Mi breda an sista, unu fi wel api wen chobl an kraasiz tek unu.

Jiemz 2:1

Mi breda an sista, sins unu se unu chos iina wi powaful Laad Jiizas Krais, unu kyaahn chriit som piipl beta dan som.

Jiemz 2:14

Mi breda an sista, wa sens unu tingk it mek ef sumadi se dem biliiv sopm, bot no du di sitn dem we wi shuo se dem riili biliiv? Unu tingk dem kyan get siev da wie de?

Jiemz 2:5

Mi breda an sista, ier wa mi a se. No Gad pik di puo piipl iina di worl fi bles dem kaaz dem biliiv iina im? Im pik dem fi tek paat iina im kindom wa im pramis fi gi aal uu lov im.

Jiemz 3:1

Mi breda an sista, nof a unu no fi ron go chrai ton tiicha, kaaz unu nuo se wi we a tiicha a-go get joj aada.

Jiemz 3:10

Di mout we wi a yuuz fi priez Gad a di siem mout wi a yuuz fi kos out piipl. Mi breda an sista, notn kyaahn go so.

Jiemz 4:11

Mi breda an sista, no taak bad sitn buot wan aneda! Ef unu du dat ar joj piipl an gwaan laik se Gad kyaahn paadn dem, unu a se Gad Laa no gud. An ef unu se di Laa no gud unu a gwaan laik se a unu a joj uova di Laa.

Jiemz 5:12

Bot mi breda an sista, ef unu no memba notn els, memba dis, no swier non at aal. No swier an kaal pan evn, ar no swier an kaal pan ort, ar no swier an kaal pan notn at aal. Jos mek shuor se wen unu se “yes,” unu miin yes, an wen unu se “no,” a no unu miin. Da wie de unu wi no kaal dong Gad jojment pan unuself.

Jiemz 5:19

Mi breda an sista, ef nobadi mongks unu chrie fram Gad chuu mesij an wan a unu elp im kom bak,