Unu lorn se unu fi don we wid di uol laif we unu yuus tu liv an aal a di woklis sitn dem unu yuus tu du, wen unu neva did a fala Jiizas. Dem taim de, unu did lov di wikid sitn dem we onggl did a mash op unu laif.
So wa unu tingk mi a se? Unu tingk mi a se di Laa we gud, se a it kaaz mi fi ded? Nuo sa! Notn kyaahn go so! A sin kil mi. An sin shuo wi uu im riili bi wen im tek di Laa, sopm we gud, an yuuz it fi kil mi. So di Laa, it elp wi fi riili si ou torbl sin bi.
Wen yu fiil fi du sopm wa yu nuo se rang, no bada se a Gad mek yu fiil fi du it. Kaaz nobadi kyaahn presha Gad fi du wa rang, an Gad no presha nobadi fi du wa rang niida.