Jiemz 1:10 - Di Jamiekan Nyuu Testiment

¹⁰ Bot di rich piipl dem mos buos bout ou Gad ombl dem, kaaz rich piipl a-go get bluo we laik wail flowaz.

Jiemz 1:10 ပူးပေါင်းရင်းမြစ်များ

Matyu 5:3

“Aal a unu we nuo se unu niid Gad iina evri wie, Gad bles unu, kaa di gud sitn dem we Gad gi wen im ruul piipl laif iina evri wie, a unu a-go get dem.

Matyu 6:30

An ef dat a ou Gad jres op wail graas, we de ya tide, an dash iina faiya tumaro, den im naa go mek shuor se unu av kluoz fi wier tu? Luk pan unu, wa likl bit a chos unu put iina Gad!

1 Korintiyan 7:31

Di piipl dem we a wok aad so dem kyan liv gud, unu no fi spen aal a unu taim a wori bout di sitn dem we de iina da worl ya. Kaaz da worl ya naa go tan so fi eva — it suun ded an gaan.

Filipiyan 3:8

Bot a no onggl dat, mi si se aal a dem sitn de no wot notn. Dem kyaahn kom kluos tu di powa we kom wen yu nuo mi Laad Jiizas Krais. Wen yu nuo Jiizas Krais, notn at aal kyaahn kom kluos tu dat. Evriting els komiin laik gyaabij tu mi nou. Mi gi op evriting fi get fi nuo Krais Jiizas an dat a di onggl ting we mata tu mi nou.

1 Timoti 6:17

Waan di rich piipl dem se dem no fi gwaan laik dem beta dan enibadi els jos chuu dem av moni. Dem no fi put dem chos iina moni niida kaaz moni kom an moni go. Wa dem fi du a put dem chos iina Gad kaaz im wi gi wi aal we wi niid fi liv api.

Jiemz 4:14

Bot wa unu nuo buot tumaro? Unu no iivn nuo ou unu laif a-go go tumaro. Unu laif komiin jos laik fag. Di fag kom dong fi likl bit, an den az di son kom out so, di fag jos disapier.

1 Piita 1:24

Gad wod se, “Evri man an uman a laik graas, an aal dem gud luks, an di big op we dem get tan laik wail flowaz. Di graas jrai op an di flowaz jrap a grong,

1 Jan 2:17

Di worl an aal a di wikid sitn dem iina it a go we bot aal a di piipl dem we du we Gad waahn dem fi du wi liv fi eva.