Jan 9:7 - Di Jamiekan Nyuu Testiment

⁷ Den im tel di man se, “Gwaan go wash yu fies iina di Sailuom Puul” (Sailuom miin Sen.) So di man go we go wash im fies an go baka im yaad a si!

Jan 9:7 ပူးပေါင်းရင်းမြစ်များ

Matyu 11:5

Di blain kyan si nou; kripl piipl a waak; piipl we av siknis we mek dem skin fasi-fasi, dem skin kom bak gud gud, def piipl a ier nou, ded a kom bak alaiv, an di gud nyuuz a priich tu puo piipl.

Luuk 13:4

Di ietiin we ded wen di towa iina Sailuom jrap pan dem, unu tingk se dem did wosa dan di res a piipl we liv iina Jeruusilem?

Luuk 2:32

im a di lait we a-go mek piipl we a no Juu nuo yu wiez an bring nof rispek tu yu piipl Izrel.”

Jan 10:36

wa mek unu se, ‘Yu a disrispek Gad’ tu di wan we Gad pik an sen iina di worl? Wa mek unu a se mi disrispek Gad kaa mi se, ‘Mi a Gad Bwai Pikni’?

Jan 11:37

Bot som a dem se, “Da man ya mek di blain man kyan si. So, im kudn du sopm fi mek Lazaros no ded?”

Jan 9:11

So im se tu dem se, “Di man we dem kaal Jiizas mek som mod an put it pan mi yai dem an tel mi fi go wash mi fies a Sailuom Puul. So mi go wash mi fies, an den mi kuda si.”

Jan 9:39

Jiizas se, “Mi kom iina di worl fi joj piipl, so blain piipl kyan si an di wan dem we tingk se dem kyan si get blain.”

Aks 26:18

Mi a sen yu tu dem so yu kyan elp dem fi si an kom outa di daaknis an kom iina di lait. An mi a sen yu fi elp dem get frii fram Sietan powa an mek Gad ruul dem laif. Da wie de dem wi ton paat a Gad piipl uufa sin im paadn kaaz dem biliiv iina im.’

Ruoman 8:3

Wi aat so ful op a sin wi kudn fala aal we di Laa se an so di Laa kudn siev wi. Bot Gad du we di Laa kudn du. Gad tek im Bwai Pikni ton im iina wan man, gi im wan badi siem laik fi wi uon we wuda waahn fi sin, an sen im kom a ort fi ded fi wi sin dem.

Gyalieshan 4:4

Bot wen di taim we Gad set did kom, im sen im Bwai Pikni, Jiizas. Iivn duo im a did Gad pikni, Jiizas baan jos laik mi an yu. Im did av wan mada an im did afi fala di Laa tu.