Jan 9:35 - Di Jamiekan Nyuu Testiment

³⁵ Jiizas ier se di Juu liida dem kik di man we did blain outa dem choch. Wen Jiizas fain im, im aks im se, “Yu biliiv iina di Man we Gad Pik?”

Jan 9:35 ပူးပေါင်းရင်းမြစ်များ

Matyu 14:33

Den di wan dem we did de iina di buot go dong pan dem nii an priez Jiizas a se, “Fi riil, yu a Gad pikni!”

Matyu 16:16

Saiman Piita se, “Yu a di Krais, di Gad we alaiv Bwai Pikni.”

Matyu 4:3

A da taim de di devl, we eva a chrai mek piipl du rang, kom se tu im se, “Ef yu a Gad Bwai Pikni, tel dem rakstuon ya fi ton bred.”

Maak 1:1

Dis a ou di Gud Nyuuz bout Jiizas Krais, Gad Bwai Pikni staat.

Jan 1:18

Nobadi neva eva si Gad yet. Di onggl sumadi we eva si im a di wan dege-dege Bwai Pikni, we a Gad imself. Im wel kluos tu di Faada, an a im mek wi nuo wa di Faada komiin laik.

Jan 1:34

Mi si dis ya apm wid mi uona tuu yai dem, an mi a tel unu se da man ya, a im a Gad Bwai Pikni.”

Jan 10:36

wa mek unu se, ‘Yu a disrispek Gad’ tu di wan we Gad pik an sen iina di worl? Wa mek unu a se mi disrispek Gad kaa mi se, ‘Mi a Gad Bwai Pikni’?

Jan 11:27

“Yes, Laad,” shi se, “mi biliiv se a yu a di Krais, yu a Gad Bwai Pikni we kom iina di worl.”

Jan 20:28

Den Tamas se tu im se, “Yu a mi Laad an mi Gad!”

Jan 20:31

Bot dem ya rait dong so unu mait-a biliiv se Jiizas a di Krais, Gad Bwai Pikni, an dat wen unu biliiv iina im, unu kyan av laif we laas fi eva.

Jan 3:36

Di sumadi we chos iina im Bwai Pikni a-go liv fi eva, bot di wan we no waahn fi av notn fi du wid im naa go liv, an Gad eva a-go ponish im.”

Jan 5:14

Afta di liida dem kwestiyan di man, Jiizas fain im iina Gad ous an se tu im, “Si'it de, yu beta nou! Tap sin ar sitn wosa mait-a go apm tu yu.”

Jan 6:69

Wi biliiv an nuo se yu a di Uoli Wan we Gad sen kom.”

Jan 9:22

(Di man mada an faada se so chuu dem did fried a di Juu liida dem, kaa di liida dem did don mek op dem main se enibadi we biliiv an se dat Jiizas a di Krais wuda get put outa di Juu dem choch.

Jan 9:34

Wen dem ier dat, dem se tu im se, “Yu ful op a sin fram yu baan. A uu yu tingk yu bi fi a chrai a tiich wi notn?” An dem kik im outa di Juu choch.

Aks 8:36

Dem did stil a gwaan pan di ruod wen dem kech a wan plies we waata de. Di man we inchaaj a di moni se tu Filip, “Luk! Si waata de! Wa fi tap mi fram get baptaiz rait nou?”

Aks 9:20

Saal neva wies no taim. Im staat priich siem taim iina di Juu dem choch se Jiizas a Gad Bwai Pikni.

Ruoman 1:4

Jiizas Krais wi Laad a Gad Uoli Bwai Pikni. An iivn duo im kom fram Dievid fambili, Gad shuo klier klier se im a im Bwai Pikni an gi im im powa wen im mek Jiizas kom bak alaiv.

Ruoman 10:20

Den Aizaiya tel dem plien plien we Gad did se, im tel dem se Gad se, “Di piipl we neva did a luk fi mi, a dem fain mi; di piipl we neva did a aks fi mi, a dem mi mek nuo mi.”

1 Jan 4:15

Ef nobadi se Jiizas a Gad pikni, Gad liv iina im an im liv iina Gad.

1 Jan 5:10

Enibadi we biliiv iina Gad pikni nuo iina dem aat se wa Gad se a chuu. Bot enibadi we no biliiv Gad, tek im fi wan laiyad, kaaz dem no biliiv we Gad se bout im pikni.

1 Jan 5:13

Mi rait unu we biliiv iina Gad Bwai Pikni so dat unu wi nuo se unu a-go liv fi eva an eva.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.

1 Jan 5:5

So a uu av di powa fi no gi iin tu di wikid sitn dem iina di worl? No onggl di wan dem we biliiv se Jiizas a Gad Bwai Pikni?

3 Jan 1:10

So wen mi kom, mi a-go mek evribadi nuo bout di wikid lai dem wa im a tel pan mi. Bot a no onggl dat im du, im ton we di breda an sista dem we kom a di choch an chriit dem riil bad. An di ada breda an sista dem iina di choch we kain tu di wan dem we a priich Gad mesij, Daiyachrofiiz chriit dem riil torbl tu, an ron dem outa di choch.