Jan 9:22 - Di Jamiekan Nyuu Testiment

²² (Di man mada an faada se so chuu dem did fried a di Juu liida dem, kaa di liida dem did don mek op dem main se enibadi we biliiv an se dat Jiizas a di Krais wuda get put outa di Juu dem choch.

Jan 9:22 ပူးပေါင်းရင်းမြစ်များ

Luuk 6:22

Gad bles aal a unu we piipl iet, we dem lef out, disrispek an kaal aal saat a niem an se unu wikid, kaaz unu fala di Man we Gad Pik.

Jan 1:19

Wan taim, di Juu liida dem sen som priis an som a dem we elp tek kier a Gad ous fram outa Jeruusilem fi kwestiyan Jan. Dem sen dem fi aks im se, “A uu yu?” Wen Jan a ansa dem kwestiyan, im tek di chaans fi tel dem bout Gad Bwai Pikni.

Jan 16:2

Dem a-go ron unu outa di Juu dem Choch. Di taim aal a kom wen sumadi a-go kil unu an tingk se dem a du sitn gud fi Gad.

Jan 19:38

Afta dem sitn ya apm, Juozif we kom fram Arimatiya, aks Pailat fi gi im Jiizas badi. Juozif a did wan a Jiizas falara dem, bot im neehn mek nobadi nuo kaaz im did fried a di Juu liida dem. So wen Pailat tel im se im kuda did get Jiizas badi, im tek it kyari go we.

Jan 20:19

Da sed Sonde de, Jiizas falara dem miit op tugeda iina di iivnin. Dem lak di duor dem kaa dem did fried a di Juu liida dem. Jiizas kom iina di ruum an tan op wid dem an se, “Piis!”

Jan 7:13

Bot iina aal we did a gwaan evribadi kiba dem mout, no iivn a suol wuda se notn fi mek tu moch piipl ier wa dem tingk, kaa dem did fried a wa di Juu liida dem wuda du dem.

Jan 9:18

Di Juu liida dem stil neehn biliiv se di man did blain fi chuu an kuda si nou, so dem sen fi im mada an faada.

Jan 9:21

Bot wi no nuo ou kom im get fi kyan si nou, an wi no nuo a uu mek im beta. Unu aks im. Im a big man. Im wi taak fi imself.”

Jan 9:34

Wen dem ier dat, dem se tu im se, “Yu ful op a sin fram yu baan. A uu yu tingk yu bi fi a chrai a tiich wi notn?” An dem kik im outa di Juu choch.

Jan 9:35

Jiizas ier se di Juu liida dem kik di man we did blain outa dem choch. Wen Jiizas fain im, im aks im se, “Yu biliiv iina di Man we Gad Pik?”

Aks 4:18

Den dem kaal iin Piita an Jan an waan dem se dem no fi priich ar tiich iina Jiizas niem tu di piipl at aal at aal.

Aks 5:13

Nobadi we neva paat a dem gruup did mad inof fi go jain dem, iivn duo aal a di piipl iina Jeruusilem taak gud bout dem.

Aks 5:40

an dem kaal iin di apasl dem an mek di suoja dem biit dem. Den dem aada dem se, “No taak tu di piipl an yuuz Jiizas niem eva agen!” Afta dat dem let dem go.

Revilieshan 21:8

Bot di wan dem we a kowad, we no biliiv iina Gad, we mek demself doti wid aal a di naasi sitn we dem du, we kil piipl, we tek paat iina aal kain-a seks sin, we wok uobiya, we worship faalz gad an we tel lai — dem a-go get fling dong iina di liek a faiya we a bon wid solfa. A dis a di sekan det.”