Jan 8:54 - Di Jamiekan Nyuu Testiment

⁵⁴ Jiizas ansa dem se, “Ef mi big op miself, dat de big op de no wot wan ting. Fi mi Faada, di wan we unu se a fu'unu Gad, a im a di wan we big mi op.

Jan 8:54 ပူးပေါင်းရင်းမြစ်များ

Jan 17:1

Afta Jiizas don se dem sitn ya, im luk op iina di skai an prie tu Gad se: “Faada, di taim kom nou. Shuo evribadi ou yu Bwai Pikni big an powaful, so im kyan shuo dem ou yu big an powaful.

Jan 17:5

So, Faada, rait we yu de nou, mek mi get nof rispek, di sed kain-a rispek mi did av wen mi did de de wid yu fram bifuo di worl did mek.

Jan 2:11

Nou, Jiizas wok uol iip a mirikl an da wan ya a did di fos wan outa aal a dem. Im did du it iina Kiena we de a Gyalalii. Da wie de, im shuo ou im big an powaful. An im falara dem biliiv iina im.

Jan 5:41

“Mi naa luk fi get big op fram piipl.

Jan 7:18

Sumadi we taak fi imself a luk big op fram piipl, bot sumadi we wok so dat di wan we sen im get big op, a gud sumadi an wa im taak a chuu sitn. Dem no lai.

Jan 7:39

(Nou, wen im se dat de, im did a taak bout di Spirit we di piipl dem we chos iina im wuda get lietaraan. Kaa op tu da taim de, nobadi neva get di Spirit, kaa Jiizas neehn get big op yet.)

Jan 8:41

Unu a du di sitn dem we unu uona faada du.” “Wi a no baastad pikni,” di piipl dem shout bak an se tu im. “A Gad imself a di onggl faada wi av.”

Jan 8:50

Mi naa chrai fi mek piipl big big mi op. Bot yu av sumadi we waahn piipl fi big mi op, an im a di joj.

Aks 3:13

Di Gad fi Iebriyam, Aizak, an Jiekob, di Gad fi wi faada faada dem, im big op an gi nof rispek tu im sorvant Jiizas. A da siem Jiizas de unu gi op, an ton unu bak pan im infronta Pailat, iivn duo Pailat did mek op im main fi let im go.

2 Korintiyan 10:18

Kaaz it no mata ef yu tingk se yu a du gud, it onggl mata ef Gad tingk se yu gud.

1 Piita 1:12

Gad mek dem si se wa dem did a taak bout a neva did fi dem, bot dem did fi apm fi unu. Di sed sitn we di prafit dem did se, a di siem Gud Nyuuz di priicha dem kom gi unu. A di Uoli Spirit, we did sen dong fram evn, did gi dem di powa fi kom kom tel unu — aal ienjel did waahn andastan dem sitn ya!

1 Piita 1:21

An a im mek unu biliiv iina Gad — Gad we did mek im kom bak alaiv an ana im. So da wie de unu wi chos iina Gad an unu wi kyan nuo fi shuor se im a-go kip im wod an du som gud sitn fi unu.

2 Piita 1:17

Wi did de de wen Faada Gad imself ana Jiizas big taim, wen im ier di vais fram di riil big Wan — di wan we big an powaful. Di vais se, “Dis a fi mi pikni we mi lov an im mek mi wel api.”