Jan 8:53 - Di Jamiekan Nyuu Testiment

⁵³ Yu no biga dan wi faada Iebriyam we ded? Di prafit dem ded tu. A uu yu se yu bi?”

Jan 8:53 ပူးပေါင်းရင်းမြစ်များ

Matyu 12:6

Ier mi no, sopm we muo impuotant dan Gad ous de ya.

Matyu 3:9

An no bada se dis an tingk se unu sief: ‘A Iebriyam a wi faada.’ Mek mi tel unu sopm, Gad kyan mek pikni fi Iebriyam outa dem rakstuon ya ef im waahn!

Jan 10:33

“Wi naa stuon yu fi non a dem sitn de,” dem se tu im. “Wi gweehn stuon yu kaaz a ou yu a disrispek Gad. Yu a onggl wan man, an yu a taak bout se yu a Gad.”

Jan 12:34

So di kroud se tu im se, “Di Laa tel wi se di Krais gweehn stie fi eva, so ou yu a taak bout, ‘Di Man we Gad Pik a-go get lif op’? A uu a dis ya ‘Man we Gad Pik’?”

Jan 19:7

Bot di Juu liida dem stil baal out, “Wi av wan laa we se im fi ded, kaa im a taak bout ou im a Gad Bwai Pikni.”

Jan 4:12

Yu biga dan wi faada Jiekob we gi wi da wel ya, an we aal jringk waata fram outa it — im, im Bwai Pikni dem an im animal dem?”

Jan 5:18

Chuu im go se so, dem chrai aada fi kil im, kaaz a neehn se im did onggl a brok di Sabat, bot pan tap a dat, im did a se Gad a im Faada, an da wie de, im did a put im an Gad pan di siem levl.

Jan 8:58

So Jiizas se tu dem se, “Mi de tel unu fi chuu chuu se bifuo Iebriyam did baan, mi de bout!”

Ruoman 9:5

Di Izrel piipl, dem a di pikni fi di uol taim liida dem — di liida dem we Gad did pik an we a did di ed fi di difrant difrant chraib dem. A fi dem fambili Krais Jiizas kom fram. Mek evribadi priez Gad, Gad we ruul uova evriting, fi eva an eva. Iemen!