Jan 8:34 - Di Jamiekan Nyuu Testiment

³⁴ Jiizas ansa dem an se, “Mi a tel unu fi chuu chuu, evribadi we sin, a sin sliev.

Jan 8:34 ပူးပေါင်းရင်းမြစ်များ

Matyu 5:18

Mek mi tel unu dis, an a chuu sitn mi a taak: evn an ort wuda afi mash op fos bifuo di liklis leta we mek op di Laa, ar iivn wan piis a wan a di leta dem, no miin notn agen. An bifuo dat kyan gwaan, evriting we fi apm, afi apm fos.

Jan 3:3

So, Jiizas se tu im se, “Fi chuu chuu, mi a tel yu se nobadi kyaahn tek paat iina Gad kindom ef dem no baan agen.”

Aks 8:23

kaaz mi si se yu grojful an bad main an sin av yu laik wan prizna.”

Ruoman 6:12

So unu mosn mek sin ruul uova unu badi no muor. No mek it ruul uova unu, so dat unu wudn du di sitn dem wa unu badi waahn unu fi du.

Ruoman 6:16

Unu mos nuo se, wen unu tek unuself ton sumadi sliev an se unu a-go fala unu maasta, unu afi du evriting we unu maasta se. Nou unu kyan chuuz fi mek sin unu maasta an ded ar unu kyan mek Gad unu maasta an mek im put tingz rait bitwiin unu an im.

Ruoman 6:6

Wi nuo se di wie wi yuus tu liv, dat don wid — it ded wid Jiizas pan di kraas. It ded wid im so dat sin wudn av no powa uova wi. It ded wid im so dat sin kudn tek wi fi sliev no muor.

Ruoman 7:14

Nou wi nuo di Laa kom fram Gad an dat it afi du wid wi spirit. Bot mi, mi a jos wan man. Mi komiin laik wan sliev. Mi a wan sliev an sin a mi maasta — mi afi du wa it se.

Ruoman 7:25

Mi tangk Gad kaaz im wi siev mi an im yuuz wi Laad Jiizas Krais fi du it. So dis a ou tingz stie wid mi: iina mi ed, mi a wan sliev an Gad Laa a mi maasta. Mi waahn fi fala evriting we it se, bot mi badi, a laik sin a fi it maasta an it a fala evriting we sin se it fi du.

Ruoman 8:21

fi im kom frii dem an mek it so dat dem wudn ded an ratn. Gad wuda frii dem an gi dem aal a wa im av pudong fi im pikni dem.

Ifiijan 2:2

Dem taim de unu yuus tu du di wikid sitn dem we di worliyan dem du. Unu yuus tu fala di wan we ruul an av powa iina di skai, di spirit we a wok iina di piipl dem we ton we fram wa Gad waahn dem fi du.

Taitos 3:3

Kaaz wan taim wi yuus tu fuul-fuul tu, wi neva waahn fala notn we nobadi se an wi a did sliev tu aal a di wikid sitn dem we wi waahn. Evridie wi beks wid wi wan aneda an wi eva waahn wa sumadi els av. Aal wi du a iet: wi iet evribadi an evribadi iet wi.

2 Piita 2:19

Dem pramis se dem a-go frii di piipl dem, bot dem siem wan a sliev — an wikidnis a dem maasta, kaaz di uol a wi a sliev fi eniting we a ruul uova wi.