Jan 8:33 - Di Jamiekan Nyuu Testiment

³³ Dem ansa im an se, “Wi a Iebriyam pikni an wi neehn a nobadi sliev bifuo. So, ou kom yu fi a se, ‘Di chuut gweehn frii unu’?”

Jan 8:33 ပူးပေါင်းရင်းမြစ်များ

Matyu 3:9

An no bada se dis an tingk se unu sief: ‘A Iebriyam a wi faada.’ Mek mi tel unu sopm, Gad kyan mek pikni fi Iebriyam outa dem rakstuon ya ef im waahn!

Luuk 3:8

Du di sitn dem we shuo se unu riili tap sin. An no bada staat tingk tu unuself se unu sief, an se, ‘A Iebriyam a wi faada.’ Mek mi tel unu sopm, Gad kyan mek pikni fi Iebriyam outa dem rakstuon ya ef im waahn!

Jan 19:25

Jiizas mada did a tan op saida im kraas. Ar sista did de de tu, plos yu did av Mieri, Kluopas waif, an Mieri Magdaliin.

Jan 8:37

Mi nuo se unu a Iebriyam pikni. Bot iivn duo unu a Iebriyam pikni, unu stil waahn fi kil mi, kaa wa mi a tiich unu se no toch unu aat.

Jan 8:39

“Iebriyam a fi wi faada,” dem se tu Jiizas. “Ef unu did a Iebriyam pikni,” Jiizas se, “den unu wuda du wa Iebriyam du.

Jan 8:43

Wa mek unu no andastan wa mi a se? A chuu unu kyaahn riili si chuu wa mi a tel unu se.

Ruoman 9:7

Siem laik ou a no evribadi we kom fram Iebriyam fambili a riili Gad piipl. Gad did tel Iebriyam se, “Mi onggl a kount Aizak pikni dem an fi dem pikni pikni go dong, a dem a-go bi fi mi piipl.”