Jan 8:32 - Di Jamiekan Nyuu Testiment

³² Unu gweehn nuo di chuut, an di chuut gweehn frii unu.”

Jan 8:32 ပူးပေါင်းရင်းမြစ်များ

Matyu 11:29

Jos laka ou di kou tek di wudn yuok pan dem shuolda, a so unu fi tek op di sitn dem we mi tel unu fi du, an tek iin wa mi a tiich, kaa mi wi tek taim wid unu, an mi riili ombl, an unu wi get fi res unu suol.

Jan 1:14

Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.

Jan 1:17

Kaaz, yu si, Gad gi Muoziz di Laa fi gi wi, bot im yuuz Jiizas fi mek wi nuo wa chuu, an siek-a Jiizas, im shuo wi lov we wi no dizorv.

Jan 14:6

Jiizas ansa im an se, “Mi a di wie, mi a di chuut, mi a di wan we mek piipl kyan liv. Nobadi kyaahn go tu di Faada ef dem no go chuu mi.

Jan 16:13

Bot wen di Spirit we shuo di chuu sitn dem bout Gad kom, im gweehn mek unu nuo aal a di sitn dem we chuu. Im naa go taak aafa im uon. Im onggl a-go taak wa im ier mi Faada se, an im a-go tel unu wa a-go apm.

Jan 17:17

Yuuz di chuut mek dem liv fi yu. Fi yu mesij a di chuut.

Jan 6:45

Wan a di prafit dem rait iina Gad wod se, ‘Gad a-go tiich aal a dem.’ Evribadi we lisn tu di Faada an tek iin wa im se kom tu mi.

Jan 7:17

Ef sumadi mek op dem main fi du wa Gad waahn dem fi du, dem a-go fain out ef a riili Gad gi mi wa fi tiich ar ef a mi jos a taak fi miself.

Jan 8:36

So ef di Bwai Pikni frii unu, unu frii fi chuu.

Ruoman 6:22

Bot nou, unu frii. Sin no kanchuol unu no muor. Unu a Gad sliev, unu bilang tu im iina evri wie an im kaaz unu fi liv rait. An kaaz unu a liv rait Gad wi mek unu liv fi eva an eva. Dat a we yu get wen yu mek Gad ruul uova yu.

Ruoman 8:15

Kaaz Gad neva gi unu wan Spirit we ton unu iina sliev an kaaz unu fi fried. Di Spirit we Gad gi wi, mek wi im pikni an a da Spirit de mek wi kyan taak tu Gad an kaal im “Faada, fi mi Faada.”

Ruoman 8:2

Kaaz di Spirit we riili gi laif an we kaaz wi fi ton wan wid Krais Jiizas, da Spirit de set wi frii. Im set wi frii fram di laa we kaaz piipl fi sin an ded.

1 Korintiyan 7:22

Kaaz ef sumadi a did wan sliev wen dem staat biliiv iina Gad, wi Laad Jiizas Krais frii dem. A siem so ef dem did frii wen Gad kaal dem fi bi paat a im piipl, dem a-go ton wan sliev fi Krais.

Gyalieshan 5:1

Gad frii wi so dat wi wudn afi fala di Laa. So tan op chrang an no mek notn ar nobadi tek unu ton unu bak iina sliev.

Gyalieshan 5:13

Breda an sista, Gad kaal unu so dat unu kuda frii fram di Juu dem Laa. Bot dat no miin se unu kyan go liv eni ou unu waahn fi liv. Wa unu fi du a sorv an lov wan aneda.

2 Timoti 3:7

Dem uman ya eva waahn lorn bot kyan neva si di chuut.

Jiemz 1:25

Bot ef nobadi tek a gud luk iina di Laa we rait iina evri wie, an wa set piipl frii, ef im gwaan du wa it se an no figet it — a im a-go get bles.

Jiemz 2:12

Wi mos taak an gwaan laik piipl we di Laa a-go joj. An a di sed Laa a-go set wi frii,

1 Piita 2:16

Liv laik piipl we frii, piipl we a no no nobadi sliev. Bot dat no miin se unu fi yuuz dat an du we rang, ar tingk se unu kyan sin an aid it fram nobadi ar get we wid it. Wa unu fi du, a liv laik ou Gad sorvant dem fi liv.

2 Jan 1:1

Fram di elda tu di uman we Gad pik an ar pikni dem, mi riili riili lov unu. Evribadi we nuo di chuut lov unu tu,