Jan 8:20 - Di Jamiekan Nyuu Testiment

²⁰ (Jiizas se dem sitn ya wen im did a tiich iina di yaad we Gad ous de, nier wich paat piipl jrap dem aafrin. An nobadi neehn uol im fi lak im op, kaa im taim neehn kom yet.)

Jan 8:20 ပူးပေါင်းရင်းမြစ်များ

Matyu 26:55

Da taim de, Jiizas se tu di kroud a piipl se, “A kom unu kom wid suod an big tik fi ares mi laik se mi a oul tiif an mordara?” Die iin die out unu si mi iina di yaad we Gad ous de a tiich, an unu no ares mi.

Matyu 27:6

Di ed priis dem tek op di moni an se, “It no rait fi wi put da moni ya wid Gad moni, kaa a blod moni dis.”

Maak 12:41

Jiizas go sidong kraas fram we di aafrin baks did de an wach di kroud a piipl we did a jrap dem moni iina di baks. Nof a di rich piipl dem put iin uol iip a moni.

Maak 12:43

Jiizas kaal im falara dem an se tu dem se, “Mi a tel unu di chuut, unu si da puo uman ya we ar ozban ded, shi jrap muo iina di aafrin baks dan aal a dem.

Luuk 20:19

Di Laa tiicha dem an di ed priis dem luk fi wan wie fi lak op Jiizas siem taim, kaaz dem nuo se a dem im did a chat bout. Bot dem did fried a di piipl.

Luuk 21:1

Jiizas luk op an si di rich piipl dem a put iin fi dem sitn we dem a gi fi aafrin iina di aafrin baks.

Jan 10:39

Den, dem chrai fi uol im an lak im op wan muo taim, bot im get we fram dem.

Jan 2:4

Jiizas se tu ar se, “Mama, wa mek yu de tel mi dat? Fi mi taim no kom yet.”

Jan 7:14

A no til aaf wie chuu di Ot Alidie dat Jiizas go op we paat Gad ous de an staat tiich.

Jan 7:30

Wen dem ier dis ya dem chrai fi grab im, bot nobadi no toch im, kaaz a neehn fi im taim fi dem kil im yet.

Jan 7:44

Som a dem did waahn fi uol im fi lak im op, bot nobadi neehn put dem an pan im.

Jan 7:8

Unu gwaan op de go tek paat iina di Ot Alidie. Mi naa go, kaa di rait taim fi mi go no kom yet.”

Jan 8:2

Orli di neda maanin, im go baka di yaad we Gad ous de. Wen im riich de, uol iip a piipl bongl roun im, an im sidong an staat tiich dem.

Jan 8:59

Wen dem ier dis, dem pik op rakstuon fi fling aafa im, bot im aid we an go we fram we Gad ous did de.